මාවනැල්ල, බෙලිගම්මන ප්‍රදේශයේ හෝටලයක ලැඟුම් ගෙන සිටි 37 හැවිරිදි තරුණයෙකුගේ මළ සිරුරක් නාන කාමරයේ තිබි අද (02) අලුයම හමුවී තිබෙනවා.
මෙසේ මියගොස් ඇත්තේ කුඹල්ඔළුව, පුඬළුඔය ප්‍රදේශයේ පදිංචි, පෞද්ගලික ආයතනයක සේවය කළ තාක්ෂණ නිලධාරියෙක්.
පොලීසිය පවසන්නේ අද අලුයම ඔහුගේ කාමරයෙන් ජලය පිටාර ගලනා ආකාරය දුටු හෝටලයේ කළමනාකරු කළ සොයා බැලීමකදී තරුණයාගේ මළසිරුර දැක ඇති බවයි.
ඔහු සිටි කාමරයේ පානය කර ඉතිරි වූ මත්පැන් බෝතලයක්, රුපියල් ලක්ෂ දෙකකට ආසන්න මුදලක්, කරාබු ජෝඩුවක් සහ ඖෂධ වර්ග කිහිපයක්ද හමුවී ඇති බවද පොලීසිය සඳහන් කළා.
සිද්ධිය සම්බන්ධ මහෙස්ත්‍රාත් පරීක්ෂණය මාවනැල්ල වැඩබලන මහෙස්ත්‍රාත්වරිය පැවැත්වූ අතර, මරණයට හේතුව මෙතෙක් අනාවරණ වී නැහැ.
