යාපනයේ පදිංචි 26 හැවිරිදි තරුණියක් කිළිනොච්චිය, ඉරණමඩු – කනකම්බිකුලම් ප්රදේශයේදී නාදුනන පිරිසක් විසින් ඊයේ (17) රාත්රියේදී පැහැර ගෙන ගොස් තිබෙනවා.
මෙලෙස පැහැරගෙන ගොස් තිබුණේ යාපනයේ පුන්නලයිකට්ටුවාන් ප්රදේශයේ පදිංචි තරුණියක්.
ඇය කිළිනොච්චිය නගරයේ රූපලාවන්ය මධ්යස්ථානයක සේවය කිරීම හේතුවෙන් කුලී පදනම මත ඉරණමඩු ප්රදේශයේයි නවාතැන් ගෙන සිට තිබෙනවා.
ඇය සිය රැකියාව නිම වී ආපසු නේවාසිකාගාරය වෙත යමින් සිටියදීයි මෙම පැහැර ගැනීම සිදුව තිබෙන බවයි වාර්තා වන්නේ.
මේ සම්බන්ධයෙන් කිළිනොච්චිය පොලිසියට පැමිණිලි ලැබීමෙන් පසු පොලිසිය කළ සෝදීසියකදී තරුණිය භාවිත කළ බවට සැකකෙරෙන අත් බෑගයක් හා ජංගම දුරකතනයක් හමු වී තිබෙනවා.
සිද්ධිය සම්බන්ධයෙන් කිළිනොච්චිය පොලිසිය වැඩිදුරටත් පරීක්ෂණ සිදු කරන බව සඳහන්.
