සියලු පාර්ලිමේන්තු මන්ත්‍රීවරුන්ගේ විශ්‍රාම වැටුප් අහෝසි කිරීමේ පනත් කෙටුම්පත කඩිනමින් සම්මත කරන බව අමාත්‍ය වසන්ත සමරසිංහ මහතා පවසනවා.
පාර්ලිමේන්තු මන්ත්‍රීවරුන්ගේ වැටුප ඔවුන්ට හිමි දෙයක් බවත් සිය පාර්ශවය විසින් නවත්වන බවට ප්‍රකාශ කළේ මන්ත්‍රීවරුන්ගේ විශ්‍රාම වැටුප සම්බන්ධයෙන් බවත් ඔහු සඳහන් කර තිබෙනවා.
“ඔබ දකින්න ඇති හිටපු ඇමතිවරු නිවාස භාර දීලා තියෙනවා, අපේ ඇමතිවරු කවුරුත් නිවාස භාර අරන් නැහැ, නිවාස ඉල්ලලා නැහැ. ජනාධිපතිවරයා අගමැතිවරයා ඇතුළු කිසිවෙක් රජයේ නිවාස අරගෙන නැහැ. පාර්ලිමේන්තු මන්ත්‍රිවරයෙක් ලෙස මට තියෙනවා වාහන තුනක් V8 වාහන තුනක් තියෙනවා. හැබැයි මම ඒ වාහන පාවිච්චි කරන්නේ නැහැ. මන්ත්‍රීවරුන්ට පාර්ලිමේන්තු සැසිවාර පවත්වන දිනවල නවතින්න නිවාස අවශ්‍යයි. මාදිවෙල නිවාස සංකීර්ණයේ, ඒ නිසා ඒවා අලුත් වැඩියා කරන්න ඕනෑ. මන්ත්‍රීවරුන්ගේ විශ්‍රාම වැටුප ඒ අයට හිමි දෙයක්, අපි නවත්තනවා කිව්වෙ විශ්‍රාම වැටුප්”
