විවාහ නොවූ කාන්තාවන් ඇතුළු සියලුම කාන්තාවන්ට සති 24ක් දක්වා ගබ්සාවක් කළ හැකි බව ඉන්දීය ශ්රේෂ්ඨාධිකරණය ප්රකාශ කර තිබෙනවා.
මෙම අධිකරණ තීන්දුව ලබාදී ඇත්තේ තනිකඩ කාන්තාවන් ඇතුළත් නොවන කණ්ඩායම් කිහිපයක් ලැයිස්තුගත කර ඇති සංශෝධිත 2021 ගබ්සා නීතිය පිළිබඳ පැහැදිලි කිරීමක් කරන ලෙසට ඉන්දීය ශ්රේෂ්ඨාධිකරණය වෙත ඉදිරිපත්වූ නඩුවකට අදාළවයි.
ඒ අනුව ඉන්දීය ශ්රේෂ්ඨාධිකරණය ප්රකාශ කර ඇත්තේ තරාතිරම නොබලා සියලුම කාන්තාවන්ට ආරක්ෂිත සහ නීත්යානුකූල ගබ්සාවකට හිමිකම් ඇති බවයි.
එමෙන්ම ඒකමතික සබඳතාවලදී (Living Together) තනිකඩ කාන්තාවන් බැහැර කිරීම “ව්යවස්ථා විරෝධී” බවද අදාළ නියෝගයේ සඳහන්වීම විශේෂත්වයක්.
ගබ්සා කිරීම් ඉන්දියාවේ 1971 සිට නීත්යානුකූල කර තිබෙනවා.
නමුත් සාම්ප්රදායිකව, ඉන්දියානුවන් ගැහැණු ළමයින්ට වඩා පිරිමි ළමයින්ට වැඩි කැමැත්තක් දක්වන බැවින් ඉන්දියාව තුළ ගැහැණු කළල ගබ්සා කිරීම් වැඩි ප්රතිශතයක පවතිනවා.
පසුගිය වසරේ රජය විසින් සති 20 ත් 24 ත් අතර ගබ්සා කිරීම් සඳහා කාන්තාවන් කාණ්ඩ කිහිපයකට අවසරදීම සඳහා වෛද්ය ගැබ් ගැනීම අවසන් කිරීමේ පනත (MTP) සංශෝධනය කර තිබුණා.
මෙම ලැයිස්තුවට ස්ත්රී දූෂණයෙන් දිවි ගලවා ගත් අය, බාලවයස්කරුවන්, මානසික ආබාධ සහිත කාන්තාවන්, විශාල අසාමාන්යතා ඇති කළල සහිත කාන්තාවන් සහ ගර්භණී සමයේදී විවාහක තත්ත්වය වෙනස් වූ විවාහක කාන්තාවන් ඇතුළත් වුණා.
මෙම සංශෝධනය මගින් විවාහක සහ අවිවාහක කාන්තාවන් අතර වෙනසක් නොමැති බවත්, එකඟතා සබඳතාවල (Living Together) සිටින අවිවාහක කාන්තාවන්ද එයට ඇතුළත් කළ යුතු බවත් ශ්රේෂ්ඨාධිකරණය තීන්දුවෙන් ප්රකාශ කර තිබුණා.