මේ වනවිට ශ්රී ලංකාවෙන් හමුවන කොවිඩ් ආසාදිතයින්ගෙන් 95%ක් පමණ ඔමික්රෝන් ආසාදිතයින් බව වෛද්ය විශේෂඥවරු පවසනවා.
ඒ බව විද්යාගාර පරීක්ෂණ මගින් තහවුරුවී ඇති බවයි සෞඛ්ය ප්රවර්ධන කාර්යාංශයේ අධ්යක්ෂ වෛද්ය රංජිත් බටුවන්තුඩාව මහතා පෙන්වා දෙන්නේ.
මේ අතර, මේ වනවිට රට තුළ පවතින්නේ කොවිඩ් රැල්ලේ සුනාමියක් වැනි තත්ත්වයක් බව කොළඹ ජාතික රෝහලේ කායික රෝග පිළිබඳ විශේෂඥ වෛද්ය උපුල් දිසානායක මහතා පවසනවා.
ඒ. සෞඛ්ය ප්රවර්ධන කාර්යාංශයේ අද (28) පැවැති මාධ්ය හමුවට එක්වෙමින්.
මේ වනවිට රෝහල්ගතවී සිටින කොවිඩ් රෝගීන් රෝහල්ගතවී ඇත්තේ කොවිඩ් නිසාම නොවන බවත් ඔහු වැඩිදුරටත් සඳහන් කරනවා.
මෙහිදී වැඩිදුරටත් අදහස් දැක්වූ විශේෂඥ වෛද්යවරයා,
“කොළඹ ජාතික රෝහලේ දැන් කොවිඩ් රෝගීන් වැඩිවෙලා තියෙනවා. මේ වනවිට රෝහල්ගතවී සිටින කොවිඩ් රෝගීන් රෝහල්ගත වෙලා ඉන්නේ කොවිඩ් නිසාම නෙමෙයි. ඒ අයට කොවිඩ් තියෙනවා.. නමුත් වෙන වෙන රෝග තත්ත්වයන් නිසාත් ඔවුන් රෝහල්ගත වෙලා තියෙනවා.
මෙයින් වැඩිදෙනෙක් එන්නත් ලබානොගත් අය. එන්නත් ලබාගත් අයගේ තියෙන රෝග ලක්ෂණ ඉතාම අඩුයි. ඒ රෝගීන්ව රෝහල් තුළ තබාගත යුතු තත්ත්වයක් නැති තරම්.”