31 C
Colombo
Saturday, June 25, 2022

ඔයා ලැජ්ජාවක් නැති අගමැති කෙනෙක් – එම්.ඒ.සුමන්තිරන්

- Advertisement -

දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ.සුමන්තිරන් මහතා අද (17) පාර්ලිමේන්තුවේදී අග්‍රාමාත්‍ය රනිල් වික්‍රමසිංහ මහතාට දැඩි ලෙස දෝෂාරෝපණය කළා.

ඒ ජනාධිපතිවරයාට එරෙහිව අප්‍රසාදය පළ කරමින් යෝජනාව විවාදයට ගැනීමේ අවහිර කිරීමට ආණ්ඩු පක්ෂයට සහය දැක්වීම සම්බන්ධයෙන්.

ජනාධිපතිවරයා සම්බන්ධයෙන් අප්‍රසාදය පළ කරන යෝජනාව පාර්ලිමේන්තුවේදී විවාදයට ගැනීමේ යෝජනාව පිළිබඳ ඡන්ද විමසීමක් පැවැත්වුණු අතර, ඊට විරුද්ධව අග්‍රාමාත්‍ය රනිල් වික්‍රමසිංහ මහතාද ඡන්දය ප්‍රකාශ කළා.

සභාව අමතමින් අග්‍රාමාත්‍ය වික්‍රමසිංහ මහතාගේ ක්‍රියාකලාපය හෙළා දකිමින් සුමන්තිරන් මන්ත්‍රීවරයා කියා සිටියේ ජනාධිපතිවරයා ආරක්ෂා කිරීමට උත්සාහ කරන මන්ත්‍රීවරුන්ගේ නම් දැන් රටම දන්නා බවයි.

“අද ඔබේ නම් පුවරුවේ ප්‍රදර්ශනය කර තිබෙනවා. ජනාධිපතිතුමා ආරක්ෂා කරන්නේ කවුද, ඔබලාව රකින්නේ නැත්තේ කවුද කියලා දැන් රටම දන්නවා. රටම දැන් දකිනවා අග්‍රාමාත්‍යවරයාගේ සහ රජයේ ආසනවල වාඩි වී සිටින අයගේ නිර්ලජ්ජිත හැසිරීම ”

සුමන්තිරන් මන්ත්‍රීවරයා වැඩිදුරටත් අනාවරණ කළේ ජනාධිපතිවරයාට එරෙහි යෝජනාව කෙටුම්පත් කිරීමේදී ඊට එකඟත්වය පළ කළේ එවකට විපක්ෂයේ අසුන්ගත් අග්‍රාමාත්‍ය රනිල් වික්‍රමසිංහ බවයි.

“වික්‍රමසිංහ මන්ත්‍රීවරයාට එම කෙටුම්පත බැලීමට අවශ්‍ය වූ අතර මම එය අප්‍රේල් 26 වැනිදා ඔහුට යැව්වා. ඔහු එය පරීක්ෂා කළා. එම කෙටුම්පත ගාලු මුවදොරට යවා ඔවුන්ගේද කැමැත්ත ලබා ගන්නා ලෙස ඔහු යෝජනා කළා.” මන්ත්‍රීවරයා පැවසීය.

එම කෙටුම්පත ගාලු මුවදොර විරෝධතාකරුවන් වෙත යවා ඇති බව පවසමින් දෙමළ ජාතික සන්ධානයේ මන්ත්‍රීවරයා කියා සිටියේ ඔවුන්ගේද කැමැත්ත ලබාගත් බවයි.

ජනාධිපතිවරයා සම්බන්ධයෙන් අප්‍රසාදය පළ කරන යෝජනාවට පක්ෂව ඡන්දය ප්‍රකාශ කරන බවට අග්‍රාමාත්‍යවරයා ද එම අවස්ථාවේදී ප්‍රකාශ දෙකක් නිකුත් කර තිබූ බව ද සුමන්තිරන් මන්ත්‍රීවරයා පෙන්වා දුන්නා.

රනිල් වික්‍රමසිංහ මහතා තම ස්ථාවරය වෙනස් කර කලින් ප්‍රකාශ කළ පරිදි යෝජනාවට පක්ෂව ඡන්දය ප්‍රකාශ කිරීමට අපොහොසත් වූයේ මන්දැයි ඔහු ප්‍රශ්න කර සිටියා.

“මොන සෙල්ලම්ද මෙයා කරන්නේ? එදායි අදයි වෙනස් වෙලා තියෙන්නේ එතුමාට අගමැතිකම ලැබුණු එක විතරයි.” සුමන්තිරන් මන්ත්‍රීවරයා පවසා සිටියා.

අග්‍රාමාත්‍යවරයාට බැණ වැදුණු ද්‍රවිඩ සන්ධාන මන්ත්‍රීවරයා කියා සිටියේ වික්‍රමසිංහ මහතා මේ රටට ප්‍රසිද්ධියේ කියා තිබූ ඔහුගේ ප්‍රතිපත්ති, අගමැතිකම වෙනුවෙන් විකුණා දමා ඇති බවයි.

“ඉඳගෙනද හිටගෙනද ඇවිදිනවද කියා නොදන්නා කෙනෙක් අගමැති ලෙස සිටීම ගැන අපට ලැජ්ජයි. ඔහුගේ ප්‍රතිපත්ති මොනවාදැයි ඔහු දන්නේත් නැහැ. ඔහු කියන්නේ එකක්, කරන්නේ තවත් දෙයක්.”

සුමන්තිරන් මන්ත්‍රීවරයා වැඩිදුරටත් පැවසුවේ, ආණ්ඩුවේ තමන්ගේම අයගේ සහය නොමැති විට විපක්ෂයෙන් සහය ඉල්ලන්නේ මේ අගමැතිවරයා බවයි.


RECENT ARTICLES - SINHALA

මාධ්‍ය ක්‍රියාකාරිකයන්ට පොලිසිය කරන බලපෑම් සම්බන්ධව මාධ්‍ය නීති සංසදයෙන් පොලිස්පතිට ලිපියක්

ශ්‍රී ලංකා පොලිසිය විසින් සමාජ සහ නව මාධ්‍ය ඔස්සේ භාෂණයේ සහ ප්‍රකාශනයේ නිදහස ක්‍රියාවට නංවමින් සිය කටයුතු පවත්වාගෙන යන මාධ්‍ය ක්‍රියාකාරිකයන් හේතු...

වඳුරු උණ: ලෝකය බියපත් කළ අලුත් වසංගතය..!

රටවල් 58කින් තහවුරු වූ වඳුරු උණ රෝගීන් 3,417 ක් වාර්තා වීමත් සමඟ, ලෝක සෞඛ්‍ය ජාලය (WHN) වඳුරු ෞණ තත්වය වසංගතයක් ලෙස ප්‍රකාශයට...

ඉන්දියාවෙන් මෙරටට බිලියන 3ක තවත් මානුෂීය ආධාර තොගයක්..!

ඉන්දීය ජනතාවගෙන් ශ්‍රී ලාංකික ජනතාව වෙත ලැබුණු ආධාර තොගයක් ඉන්දීය මහ කොමසාරිස්වරයා, අමාත්‍ය කෙහෙළිය රඹුක්වැල්ල මහතා, පාර්ලිමේන්තු මන්ත්‍රීවරුන් සහ නිලධාරින් විසින් ඊයේ...

RECENT ARTICLES - ENGLISH

Requests for assistance to develop dairy industry

0
A bilateral meeting took place between Minister of Foreign Affairs Prof. G.L. Peiris and Minister for Foreign Affairs and Local Government of...

35 people detained for illegal migration attempt to Australia

0
Sri Lanka Navy apprehended a local multiday fishing trawler with 35 individuals, suspected to be on an illegal migration attempt to Australia...

Public sector to work in Private sector?

0
Sri Lanka has appointed a seven member committee to explore the possibility of granting 5 years leave to Government employees to work...