ත්රිපිටකය ලෝක උරුමයක් බවට පත් කරන බවට එවක ජනාධිපති මෛත්රිපාල සිරිසේන මහතා 2009 වසරේදී ප්රකාශ කළද තවමත් ත්රිපිටකය ලෝක උරුමයක් වී නොමැති බවට තොරතුරු වාර්තා වනවා.
2019 වසරේදී මහනුවර ශ්රී දළදා මාලිගාවේ සිට එවක ජනාධිපති මෛත්රිපාල සිරිසේන මහතා එම ප්රකාශය කළ අතර ඊට අදාළ අයැදුම්පත යුනෙස්කෝ සංවිධානයට යොමුකළ බව එහි සංවිධායකයින් මාධ්ය වෙත පැවසුවා.
අදාළ අයැදුම්පත් වසර දෙකකට වරක් භාරගන්නා බව යුනෙස්කෝ සංවිධානය ජනාධිපති කාර්යාලයට 2019 වසරේදී දැනුම් දී තිබුණා.
ඒ අනුව අදාළ ක්රියාවලිය සදහා විද්වත් කමිටුවක්ද පත්කළ අතර එම කමිටුව ත්රිපිටකය සහිත ඉපැරණි පුස්කොළ පොත් හතරක් දළදා මාළිගාව, හගුරන්කෙත හා මාතර පිහිටි විහාරස්ථානවල සහ ජාතික ලේඛණාගාරයේ තිබී හදුනාගෙන ඇති බවයි වාර්තා වුණේ.
කෙසේ වෙතත් යුනෙස්කෝ සංවිධානය 2021 වසරේදී වත්මන් රජයට දැනුම්දී ඇත්තේ ත්රිපිටකය ලෝක උරුමයක් කිරීමේ අයැදුම්පත නොවැම්බර් 15 වනදාට පෙර යොමුකරන ලෙසයි.
නමුත් බුද්ධශාසන හා සංස්කෘතික කටයුතු අමාත්යාංශයේ ලේකම් මහාචාර්ය කපිල ගුණවර්ධන මහතා පවසන්නේ නොවැම්බර් 15 වනදාට පෙර එම අයැදුම්පත යොමුකළ නොහැකි බවයි.
ඒ සඳහා පත්කර ඇති විද්වත් කමිටුව තොරතුරු රැසක් ඉල්ලා තිබීම මෙම ප්රමාදයට හේතුව බවයි ඔහු සදහන් කරන්නේ.