විදුලිබල මණ්ඩලයේ වැඩබලන සාමාන්‍යාධිකාරීවරයා ලෙස රොහාන්ත අබේසේකර මහතා පත්කර තිබෙනවා.
දෛනිකව පැය 02 – 09 අතර කාලසීමාවක් විදුලි සැපයුම අත්හිටුවීම සඳහා අවසර ලබා දෙන්නැයි ලංකා විදුලිබල මණ්ඩලයේ හිටපු සාමාන්‍යාධිකාරීවරයා විසින් ශ්‍රී ලංකා මහජන උපයෝගීතා කොමිසම වෙත ඉල්ලීමක් කිරීමත් සමඟ එය සමාජයේ දැඩි කතාබහකට තුඩු දුන්නා.
කෙසේ නමුත්, විදුලිය අත්හිටුවන දින වකවානු සහ වේලාවන් සම්බන්ධයෙන් විදුලි වෘත්තීය සමිති සිදු කරන ප්‍රකාශ සැළකිල්ලට නොගන්නා ලෙස ජනතාවගෙන් ඉල්ලා සිටින බවයි ඊයේ (24) පැවති මාධ්‍ය හමුවකදී මහජන උපයෝගීතා කොමිසමේ සභාපතිවරයා පවසා සිටියේ.
ඒ සම්බන්ධයෙන් ප්‍රකාශ නිකුත් කිරීමේ පූර්ණ අයිතිය මහජන උපයෝගීතා කොමිසම සතු බව පෙන්වා දෙන සභාපතිවරයා වෘත්තීය සමිතිවලින් ඉල්ලා සිටියේ ජනතාව නොමග යවන ප්‍රකාශ සිදු නොකරන ලෙසයි.
