කැබිනට් මණ්ඩලයේ සාමුහික වගකීම කඩකිරීම සම්බන්ධයෙන් විමල් වීරවංශ, උදය ගම්මන්පිල යන අමාත්යවරුන්ට එරෙහිව වහා පියවර ගන්නා ලෙස ශ්රී ලංකා පොදුජන පෙරමුණ ජනාධිපතිවරයාගෙන් සහ අග්රාමාත්යවරයාගෙන් විශේෂ ඉල්ලීමක් කරන බව ශ්රී ලංකා පොදුජන පෙරමුණේ මහලේකම් නීතීඥ සාගර කාරියවසම් මහතා පවසනවා.
සාගර කාරියවසම් මහතා සදහන් කරන්නේ එම අමාත්යවරුන්ගේ ක්රියාකාරකම් සහ හැසිරීම් ආණ්ඩුවේ අනාගතයට දැඩි තර්ජනයක් වන බැවින් මෙම ඉල්ලීම කිරීමට තීරණය කළ බවයි.
තවමත් නිශ්චිත ගිවිසුමක් අත්සන් කර නොමැති බැවින් යුගදනවි බලාගාරය සම්බන්ධයෙන් කලබල නොවන්නැයි මුදල් අමාත්ය බැසිල් රාජපක්ෂ පක්ෂ නායක රැස්වීමේදී පැහැදිලිවම ප්රකාශ කළද සිම පදනමක් නොමැතිය මේ ආකාරයෙන් රජය විවේචනය කිරීම ඉතා අශෝභන ක්රියාවක් බවද මහලේකම්වරයා සදහන් කරනවා.
බලාගාරය සම්බන්ධයෙන් ඇත්තේ මූලික එකඟතාවක් පමණක් බැවින් ගිවිසුම කෙටුම්පත් කිරීමට පෙර සියලු පාර්ශව නිර්දේශ ඉදිරිපත් කළ යුතු බව මුදල් අමාත්යවරයා එහිදී පැහැදිළි කළ බව කාරියවසම් මහතා පෙන්වා දෙනවා.
විමල් වීරවංශ මහතා ඇතුළු පක්ෂ 11 ක සාමාජිකයන්ගේ මෙම ක්රියාවන් පිටුපස සිටින්නේ කවුරුන්ද යන්න පිළිබඳව බරපතළ ප්රශ්නයක් සහ සැකයක් මතුව ඇති බවද සාගර කාරියවසම් මහතා වැඩිදුරටත් සදහන් කරනාවා.