ශ්රී ලාංකික සම්භවයක් සහිත ජනප්රිය බොලිවුඩ් තාරකාවක් වන ජැකලින් ෆර්නෑන්ඩස් මුදල් විශුද්ධිකරණ නඩුවක සාක්ෂිකාරිනියක ලෙස අද (30) පෙනී සිට තිබෙනවා.
ඉන්දියානු මුදල් අමාත්යාංශයේ බලාත්මක කිරීමේ අධ්යක්ෂ කාර්යාල ආරංචි මාර්ග වලට අනුව, ජැකලින්ගෙන් අද ප්රශ්න කර ඇත්තේ මැතිවරණ කොමිෂන් සභාව සම්බන්ධ අල්ලස් නඩුවක සැකකරුවකු වන සුකේෂ් චන්ද්රශේකර් නැමැත්තා පවත්වාගෙන ගිය බව කියන කෝටි ගණනක කප්පම් ජාලයක් සම්බන්ධවයි.
කෙසේ වෙතත් ජැකලින් මෙම නඩුවේ චූදිතයක් නොවන බව මාධ්ය වාර්තා පෙන්වා දෙනවා.
බලාත්මකකිරීමේ අධ්යක්ෂ කාර්යාල ආරංචි මාර්ග NDTV නාළිකාව වෙත පවසා ඇත්තේ සුකේෂ් චන්ද්රසේකර්ට එරෙහි නඩුවේ සාක්ෂිකරුවෙකු ලෙස ඔහු දන්නා හඳුනන අයෙකු යන පදනමෙන් පමණක් ජැකලින්ගෙන් ප්රශ්න කර ඇති බවයි.
ඉන්දියා ටුඩේ වාර්තාවකට අනුව, පරීක්ෂණයේ කොටසක් ලෙස චෙන්නායි හි පිහිටි සුකේෂ් චන්ද්රශේඛර්ගේ මුහුදට මුහුණලා පිහිටි විශාල මන්දිරය බලාත්මක අධ්යක්ෂ මණ්ඩලයේ නිලධාරින් විසින් වටලා තිබෙනවා.
එම නිවස කෝටි දහයක වටිනාකමකින් යුක්ත බවයි පැවසෙන්නේ.
එම සුඛෝපභෝගී නිවසේ පහසුකම් සහිත කුඩා බාර්, සිනමා ශාලා, ජිම්, පිහිනුම් තටාක සහ වහලය මත විනෝද වීමට ඉඩ පහසුකම් තිබීම නිලධාරීන් පුදුමයට පත් කර ඇති බව ඉන්දීය මාධ්ය වැඩි දුරටත් පෙන්වා දී තිබෙනවා.