ඉන්දියාවේ අදානි සමූහයේ සභාපති ගෞතම් අදානි මහතා අද (25) දින ශ්රී ලංකාවේ සංචාරයක නිරත වීමට නියමිත බව ඉන්දියාවේ ‘ද හින්දු’ පුවත් සේවය අනාවරණය කරනවා.
කොළඹ වරායේ බටහිර පර්යන්තයේ සංවර්ධන කටයුතු සඳහා ආයෝජනය කරනු ලබන්නේ අදානි සමූහයයි.
මෙය පෞද්ගලික සංචාරයක් බවත් එහිදී ජනාධිපති ගෝඨාභය රාජපක්ෂ මහතා සමඟ බටහිර බහාලුම් පර්යන්ත ව්යාපෘතිය පිළිබඳව සාකච්ඡා පවත්වන බවත් ‘ද හින්දු’ පුවත්පත වැඩිදුරටත් සඳහන් කර සිටිනවා.
ඉන්දියාවේ අදානි සමූහය විසින් කොළඹ වරායේ බටහිර බහාලුම් පර්යන්තය (WCT) ඒකාබද්ධව සංවර්ධනය කිරීම සඳහා එහි දේශීය හවුල්කරු ජෝන් කීල්ස් හෝල්ඩින්ග්ස් (JKH) සහ ශ්රී ලංකා වරාය අධිකාරිය (SLPA) සමඟ ඉදිකිරීම, මෙහෙයුම් ක්රියාත්මක කිරීම හා අයිතිය පැවරීම (BOT) ගිවිසුමකට පසුගිය සැප්තැම්බර් 30 දින අත්සන් කෙරුණි.
මෙම ගිවිසුම ඇමරිකානු ඩොලර් මිලියන 700 ඉක්මවන ආයෝජනයකි.