අපගේ සූර්යා ලෝකයෙන් විදුලිය නිපදවා අපට විකුණා අදානි සමාගම ඩොලර් රැගෙන යන බව ජාතික ජන බලවේගයේ නායක පාර්ලිමේන්තු මන්ත්‍රී අනුර කුමාර දිසානායක මහතා පවසනවා.
ගල් අඟුරු, ඩීසල් වෙනුවට සුළං බලයෙන් විදුලිය නිෂ්පාදනය කළ ද අවසානයේදී නැවතත් ශ්‍රී ලංකාවට ඩොලර් වැයවීමක් සිදුවන බවයි මන්ත්‍රීවරයා පෙන්වා දෙන්නේ.
අපගේ බලශක්ති ක්ෂේත්‍රය මෙලෙස ජාවාරම්කාරයින් අතට පත්විය යුතු නොමැති බවත් මෙගා වොට් 10ට වැඩි නිෂ්පාදන ව්‍යාපෘති වෙනුවෙන් තරඟකාරී මිල ගණන් යටතේ ටෙන්ඩර් හරහා එය ලබා දිය යුතු වන බවත් ඔහු අවධාරණය කරනවා.
එමෙන්ම, මෙහිදී දේශීය ආයෝජකයින්ට උපරිම ප්‍රමුඛතාවය ලබා දීම වදගත් බවයි අනුර කුමාර දිසානායක මහතා කියා සිටියේ.
