ලෝක ප්‍රජාව තමන්ගේ අයිතිවාසිකම් ආරක්ෂා කිරීම පිළිබදව නිසි අවධානයක් නොදක්වන බවට ඇෆ්ගනිස්තානයේ කාන්තා ක්‍රියාකාරීහු චෝදනා කරති.
ඔවුන් සදහන් කරන්නේ තම අයිතිවාසිකම් උල්ලංඝනය වීම පිළිබදව ඵලදායි යමක් කිරීමට අන්තර්ජාතික ප්‍රජාව අසමත් වී ඇති බවයි.
මාධ්‍ය වෙත අදහස් දක්වමින් ඇෆ්ගනිස්තානයේ කාන්තා ක්‍රියාකාරිනියන් පිරිසක් මෙම චෝදනාව එල්ල කර තිබේ.
ඔවුන් සදහන් කර ඇත්තේ තලේබාන් පාලනය යටතේ අධ්‍යාපනය, රැකියා කිරීම වැනි මූලික අයිතිවාසිකම් අහිමි කරනු ලැබූ ඇෆ්ගනිස්තාන කාන්තාවන් මේ වනවිට ජීවත්වීම පිළිබද බරපතල ගැටලුවකට මුහුණ දී සිටින බවයි.
මෙම තත්වය පිළිබද අවධානය යොමුකර ඇෆ්ගනිස්තාන කාන්තාවන්ගේ අයිතිවාසිකම් ආරක්ෂා වන ලෙස ඵලදායි ක්‍රියාමාර්ග ගන්නැයි ඔවුහු ලෝක ප්‍රජාවට අවධාරණය කරති.
