ශිෂ්‍යාවන්ට පාසල් යාමට අවස්ථාව ලබාදෙන ලෙස ඉල්ලමින් ඇෆ්ගනිස්තානයේ කාන්තාවන් පිරිසක් කාබුල් නගරයේදී උද්ඝෝෂණයක නිරත වී තිබේ.
එරට ටොලෝ නිවුස් පුවත් සේවය වාර්තා කර ඇත්තේ කාබුල් නගරයට එක්වූ කාන්තාවන් පිරිසක් මෙය ඇෆ්ගනිස්තාන ජන සමාජයේ මූලික අයිතිවාසිකම් උල්ලංඝනය කිරීමක් ලෙස දක්වමින් උද්ඝෝෂණයක නිරත වූ බවයි.
තලේබාන් සංවිධානය ඇෆ්ගනිස්තානයේ බලය අල්ලාගත් දා සිට මෙතෙක් එරට ද්වීතීය සහ තෘතීය අධ්‍යාපන ආයතන ගණනාවක් යළි විවෘත කො‍ට නොමැති අතර විවෘත වූ ඒවා සියල්ලේම පාහේ මේ වන විට ශිෂ්‍යාවන්ට අධ්‍යාපනය ලබාදීම තහනමට ලක් කර තිබේ.
කාබුල්හි විශ්ව විද්‍යාල ආචාර්යවරැන් සහ ගුරුවරුන් රැසක් සදහන් කර ඇත්තේ මෙම තත්වය ඇෆ්ගනිස්තානයේ කාන්තාවන්ගේ අනාගතය සම්බන්ධයෙන් අයපහත් ප්‍රතිඵළ උදාකරනු ඇති බවයි.
ඉස්ලාම් දහමට අනුව කාන්තාවන්ට ද අධ්‍යාපනය ලැබීමට අයිතියක් ඇති බවත් කිසිවෙකුට එය පැහැර ගැනීමට නොහැකි බවත් මේ පිළිබද අදහස් දැක්වූ එරට ශිෂ්‍යාවන් පිරිසක් සදහන් කර තිබේ.
