ලෝකයේ විවිධ අන්තවාදී ත්රස්තවාදී සංවිධාන 20ක් පමණ නියෝජනය කරන දසදහසකට ආසන්න සටන්කරුවන් පිරිසක් ඇෆ්ගනිස්තානයේ තලේබාන් සංවිධානය සමග එක්ව සටන්වදිමින් සිටින බව අනාවරණය වී තිබේ.
එක්සත් ජාතීන්ගේ සංවිධානයේ ඇෆ්ගනිස්තාන තානාපති ගුලාම් මොහොමඩ් සදහන් කර ඇත්තේ අයිඑස්අයිඑල්, අල්කයිඩා වැනි සංවිධාන සාමාජිකයන් ඒ අතර කැපී පෙනෙන බවයි.
නැගෙනහිර තුර්කිස්තාන ඉස්ලාමීය ව්යාපාරයට සහ උස්බෙකිස්තාන ඉස්ලාම් ව්යාපාරය යන සංවිධානවලට සම්බන්ධ සටන්කරුවන් ද මෙම ගැටුම්වලට සම්බන්ධ වී ඇති බව ඔහු සදහන් කර ඇත.
ෆර්යාබ්, ජෝව්ස්ජාන්, තක්හාර් සහ බද්ගස්තාන් යන ප්රාන්තවල සිදූවූ සටන්වලට මෙම පිරිස් සම්බන්ධ වූ බවට පැහැදිළි සාක්ෂි ලැබී ඇති බවත් මේ සටන්කරුවන් සිය පවුල්ද සමග තලේබාන් සංවිධානය යටතේ කටයුතු කරන බවත් හෙළිවී තිබේ.
තලේබාන් සංවිධානය සහ අන්තර්ජාතික ඉස්ලාම් ත්රස්ත සංවිධාන අතර පවතින මෙම සබදතා මෑත කාලයේ මෙතරම් ප්රබලව දක්නට ලැබුණු ප්රථම අවස්ථාව මෙය බවද ඇෆ්ගනිස්තාන විදේශ අමාත්යාංශය සදහන් කරයි.