රට තුළ පවතින ගැටලු විසඳීම සඳහා සියලු පිරිස් සමග එක්ව සාමූහිකව ක්රියා කරන ලෙස ඉස්ලාමීය සහයෝගීතා සංවිධානයේ සාමාජික රටවල් ඇෆ්ගනිස්තානයේ තලේබාන් පාලනයෙන් ඉල්ලීමක් කර තිබේ.
පසුගියදා පකිස්තානයේ පැවති ඉස්ලාමීය සහයෝගීතාවය සඳහා වූ සංවිධානයේ 48 වැනි සැසිවාරයේ දී ඇෆ්ගනිස්ථානයේ වත්මන් තත්ත්වය පිළිබද ව ද දීර්ඝ ලෙස සාකච්ඡා කෙරිණ.
එහිදී ඇෆ්ගනිස්ථානයේ ජනතාවට අවශ්ය සහයෝගය ලබා දීමට සංවිධානයේ රටවල් එකගතාවය පළ කළ බව විදෙස් වාර්තාවල දැක්වේ.
මේ අතර එහිදී , පකිස්තාන අගමැති ඉම්රාන් ඛාන් සදහන් කර ඇත්තේ, වසර 40 කට පසු ඇෆ්ගනිස්ථානයේ සහ කලාපයේ සාමය ආරක්ෂා කිරීම යථාර්ථයක් කර ගැනීමට මේ වන විට අවස්ථාව උදාවී ඇති බවයි.
ඉස්ලාමීය සහයෝගීතාවය සඳහා වූ සංවිධානයේ විදේශ අමාත්යවරුන්ගේ රැස්වීමක් පසුගිය වසරේ දෙසැම්බර් මාසයේදී පැවැත්වූ අතර එහිදී ද ඇෆ්ගනිස්ථානයේ දේශපාලන, ආර්ථික සහ මානුෂීය තත්ත්වය සාකච්ඡා කෙරිණි.