ඇෆ්ගනිස්තානයේ වෙසෙන සීක් ජාතිකයන්ට එම ආගම අත්හැර ඉස්ලාම් ආගම වැළැද ගන්නා ලෙස බලපෑම් එල්ල වී ඇතැයි වාර්තා වේ.
ඇෆ්ගනිස්තානයේ අයිතීන් සහ ආරක්ෂාව උදෙසා වන ජාත්යන්තර සංසදය සදහන් කරන්නේ එසේ ඉස්ලාම් ආගම වැළද නොගන්නේ නම් වහාම රටින් පිටව ලෙසටද එම සීක් ජාතිකයන්ට නියෝග කර ඇති බවයි.
ඇෆ්ගනිස්තානයේ කාබුල්, ගසානි, නන්ගහාර් වැනි ප්රදේශවල සීක් ජාතිකයන් දහස් ගණනක් ජීවත්වන අතර ඔවුන්ට ප්රාදේශීය තලේබාන් නායකයන් වෙතින් මෙලෙස තර්ජන එල්ල වී ඇති බව පැවසේ.
තලේබාන් සංවිධානය ඇෆ්ගනිස්තානයේ බලය අල්ලා ගැනීමට පෙර සිටම එරට තුළ සිටින සීක් ජාතිකයන්ට විවිධ තර්ජන සහ බලපෑම් එල්ල වී තිබිණ.
ඇෆ්ගනිස්තානයේ අයිතීන් සහ ආරක්ෂාව උදෙසා වන ජාත්යන්තර සංසදය සදහන් කරන්නේ තලේබාන් සංවිධානය බලය අල්ලා ගැනීමෙන් පසු මෙම තර්ජන සංවිධානාත්මකව සහ දරැණු ලෙස ඉහළ ගොස් ඇති බවයි.