අංගම්පොර වෙද ගෙදර නමින් පවත්වාගෙන යනු ලබන ස්ථානයක වෙද මහතෙක් යැයි පැවසෙන පුද්ගලයෙකු මේ වන විට නිරෝධායන නීති නොතකමින් ජනතාව රැස්කර කොවිඩ් බෙහෙතක් ලබාදෙන පුවතක් වාර්තා වනවා.
ඔහු කෝංගස්තැන්න – කටුවන ප්‍රදේශයේ පදිංචි අංගම්පොර සටන් කලාව සිදුකරන පුද්ගලයෙකු බවයි පැවසෙන්නේ.
මෙම පුද්ගලයා කොරොනා මැඩලන දේශීය ඔසු පානයක් ලබාදෙන බව පවසා ප්‍රදේශයේ ජනතාව විශාල වශයෙන් රැස්කරමින් සිටිනවා.
ඔහු සදහන් කරන්නේ නිව්මෝනියා තත්ත්වයෙන් 95 %ක් බේරීමට අදාල බෙහෙත උපකාරී වන බවයි.
එම බෙහෙත ලබාගැනීම සඳහා විශාල වශයෙන් මේ වන විටත් ජනතාව එක්රැස්ව ඇති අතර බොහෝ පුද්ගලයින් මුව ආවරණයක් හෝ නොමැතිව සිටින අයුරු දක්නට ලැබෙනවා.
වීඩියෝ පහතින් බලන්න
