ජාත්‍යන්තර මූල්‍ය අරමුදල සමග ඇතිකර ගැනීමට තිබූ ගිවිසුම සැප්තැම්බර් දක්වා කල් දැමීමට සිදුව ඇති බව ජනාධිපති රනිල් වික්‍රමසිංහ මහතා පවසනවා.
ඒ, ඊයේ (30) පස්වරුවේ මහනුවර ජනාධිපති මන්දිරයේදී මහනුවර දිස්ත්‍රික්කයේ එක්සත් ජාතික පක්ෂ, පොදුජන පෙරමුණු මන්ත්‍රීවරු, හිටපු පළාත් පාලන නියෝජිතයින් සහ ආසන සංවිධායකවරුන් අමතමින්.
එසේ සිදුව ඇත්තේ, රටේ පසුගිය සති කිහිපය තුළ පැවති නොසන්සුන්තා හේතුවෙන් නිසා බව ජනාධිපතිවරයා පවසනවා.
තමා අග්‍රාමාත්‍යධූරයට පත්වීමෙන් පසු ජාත්‍යන්තර මූල්‍ය අරමුදල සමග පැවති සාකච්ඡා අනුව, අගෝස්තු මස පළමු සතිය තුළ ගිවිසුම් ගතවීම සඳහා එකඟතාවයකට පැමිණ තිබූ බව ජනාධිපතිවරයා පවසනවා.
කෙසේවෙතත්, සමාජ නොසන්සුන්තාවයන් සහ දේශපාලන අස්ථාවරත්වය මත ජාත්‍යන්තර මූල්‍ය අරමුදල සමග එකඟතාවයකට පැමිණීම මසකින් පමණ ප්‍රමාද වූ බවත් යල්පැනගිය ආර්ථික ප්‍රතිපත්ති වෙනුවට නව ආර්ථික ප්‍රතිපත්ති වැදගත් වන බවත් ජනාධිපති රනිල් වික්‍රමසිංහ මහතා මෙහිදී පෙන්වා දෙනු ලැබීය.
