ඉන්දියාවේ සිට නීතිවිරෝධී අයුරින් ගෙන්වූ කෘෂි රසායනික ද්රව්ය තොගයක් සමග පුද්ගලයින් සිව්දෙනෙකු අත්අඩංගුවට ගෙන තිබෙනවා.
මෙම පිරිස ඊයේ (04) යාපනය වේලනෙයි, තුරේයුර් ප්රදේශයේදී අත්අඩංගුවට ගෙන තිබෙනවා.
නීතිවිරෝධීව කෘෂි රසායනික ද්රව්ය තොගයක් ගෙන්වූ බවට යුධ හමුදා බුද්ධි තොරතුරක් මත පොලිස් විශේෂ කාර්ය බළකා නිලධාරීන් විසින් අදාළ වැටලීම සිදුකර තිබුණා.
පොලීසිය පැවසුවේ එහිදී නිලධාරීන් භාරයට ගත් කෘමි නාශක ඇතුළු කෘෂි රසායනික ද්රව්ය තොගය රුපියල් මිලියන 50කට ආසන්න බවයි.
සැකකරුවන් හා කෘෂි රසායන ද්රව්ය තොගය යාපනය කයිට්ස් මහෙස්ත්රාත් අධිකරණයට ඉදිරිපත් කිරීමට නියමිතයි.
සිද්ධිය සම්බන්ධයෙන් කයිට්ස් පොලිසිය හා යාපනය පොලිස් විශේෂ කාර්ය බළකාය වැඩිදුර පරීක්ෂණ පවත්වනු ලබනවා.
