ශ්‍රී ලංකා ගුවන් හමුදාව විසින් උතුරු ප්‍රදේශයේ විභාග මධ්‍යස්ථායන් වෙත යොමුකර තිබු අ.පො.ස උසස්පෙළ විභාගයට අයත් ප්‍රශ්නපත්‍ර අද (29) නැවත රැගෙන ඒම සිදුකර තිබෙනවා.
අයහපත් කාලගුණයේ බලපෑම හේතුවෙන් කල්දමා ඇති උසස්පෙළ විභාගයේ ප්‍රශ්නපත්‍ර එලෙස රැගෙන එනු ලැබ තිබුණා.
ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානය මඟින් උතුරු පළාතේ ඩෙල්ෆ්, වෙල්ලඩි, නාගදීපය යන ප්‍රදේශන් හි පිහිටුවා ඇති විභාග මධ්‍යස්ථාන්හි සිට නැවත උතුරු පළාත් අධ්‍යාපන අමාත්‍යංශය වෙත එම ප්‍රශ්නපත්‍ර රැගෙන ඒම සිදුකළා.
ශ්‍රී ලංකා ගුවන් හමුදාව අයහපත් කාලගුණයෙන් බලපෑමට ලක් වු ප්‍රදේශයන් හි නිරීක්ෂණ රාජකාරීන්වල තවදුරටත් නිරතව සිටින අතර අවශ්‍ය ඕනෑම අවස්ථාවකදී ජනතාව වෙත සහන සැලසීමට මෙන්ම මුඳවාගැනිමේ රාජකාරින් සඳහා ද සුදානම්ව සිටිනවා.
