විදේශ ගතවීමට පැමිණෙන මගීන්ගේ ගමන්මලු තුල තිබෙන ස්වර්ණාභරණ සොරකම් කිරීමේ සිද්ධියක් සම්බන්ධයෙන් ගුවන්සේවා සමාගමේ ආරක්ෂක නිලධාරියෙකු ගුවන්තොටුපොළ පොලිසිය විසින් අත්අඩංගුවට ගෙන තිබෙනවා.
පොලිසිය සඳහන් කළේ ස්කෑන් යන්ත්‍ර පරීක්ෂා කරන 29 හැවිරිදි ආරක්ෂක නිලධාරියෙක් මෙලෙස අත්අඩංගුවට ගෙන ඇති බවයි.
ඔහු සිය රාජකාරිය අතරතුර මෙම සොරකම් සිදුකර ඇති බවට අනාවරණ වී තිබෙනවා.
එමෙන්ම වැඩිදුර ප්‍රශ්න කිරීම් වලදී අනාවරණ වී ඇත්තේ ඔහු විසින් සොරා ගන්නා ලද ස්වර්ණාභරණ මීගමුවේ ස්වර්ණාභරණ ආයතනයකට විකුණා ඇති බවත් මොහු විසින් උකස් කර තිබූ රන් මාලයක්, කුඩා මුද්දක් සහ තවත් කුඩා මුදු 2ක් පොලිස් භාරයට ගෙන තිබෙනවා.
