31 C
Colombo
Sunday, November 27, 2022

හොඳ සිරකරුවන් සොයන්න ලොහාන්ගෙන් කමිටුවක්..

- Advertisement -

යහපත් කල්ක්‍රියාවෙන් යුත් සිරකරුවන් සෙවීමට සමාලෝචන කමිටුවක් පත්කරන්නේ යැයි බන්ධනාගාර කළමනාකරණ හා පුනරුත්ථාපන කටයුතු රාජ්‍ය අමාත්‍යාංශය අද(7) නිවේදනයක් නිකුත් කරමින් පවසයි.


මරණ දඬුවම නියමව සිටින සිරකරුවන් නිශ්චිත කාලයක් ගත කළ පසු යහපත් හැසිරීම මත ජීවිතාන්ත සිරකරුවන් බවට පත්කිරීමේ සිට සිර දඬුවම් කාල සීමා අඩු කිරීම දක්වා තීන්දු ගැනීම් මෙම කමිටු නිර්දේශ මත ගනු ලබන්නේ යැයි එහි සඳහන් වේ.


සානුකම්පිත හේතු මත දඩ ගෙවාගත නොහැකි සිරකරුවන් නිදහස් කිරීමටත් ඇප ලබාදී ඇප තබාගත නොහැකි සිරකරුවන් ඇප කොන්දේසි ලිහිල් කිරීමට අදාළ අධිකරණවලට කරුණු දැක්වීමටත් කටයුතු කිරීමටත් මේ යටතේ පියවර ගන්නේ යැයි අමාත්‍යාංශය පවසයි.


අමාත්‍යාංශයේ මාධ්‍ය ලේකම් නිකුත් කර ඇති එම නිවේදනයේ සඳහන් ආකාරයට ගනු ලබන පියවර පිළිවෙලින් මෙසේය.

1.මරණ දඬුවම නියමව සිටින සිරකරුවන් නිශ්චිත කාලයක් ගත කළ පසු යහපත් හැසිරීම මත ජීවිතාන්ත සිරකරුවන් බවට පත්කිරීම.

2.ජීවිතාන්ත සිරකරුවන් යම් කාලයක් ගත කළ පසු යහපත් හැසිරීම හා පුනරුත්ථාපනය වීම සලකා බලාසිව් වස් අටවස් හා දොලොස් වස් ආදී වශයෙන් සලකා ඔවුන්ගේ අපරාධ චර්යා පිළිබඳ නිරීක්ෂණය කර දඬුවමෙන් යම් අඩු කිරීමකට නිර්දේශ ඉදිරිපත් කිරීම.

3.දීර්ඝකාලීන සිරකරුවන් සඳහා ද යම් කාලයක් ගත කළ පසු යහපත් හැසිරීම හා පුනරුත්ථාපනය වීම සලකා බලා සිව් වස් අට වස් හා දොලොස් වස් ආදී වශයෙන් සලකා ඔවුන්ගේ අපරාධ චර්යාවන් පිළිබඳව නිරීක්ෂණය කර දඬුවමේ යම් අඩුකිරීමකට නිර්දේශ ඉදිරිපත් කිරීම.

4.එසේම මෙම ක්‍රියාවලිය සිදුකිරීමේදී පුද්ගලයාගේ අපරාධ චර්යාව වෙනස් වී ඇතිද පුනරුත්ථාපනය වී ඇතිද බන්ධනාගාර තුළ චෝදනාවන්ට ලක්ව ඇද්ද යන කරුණු සමාලෝචනය කර සලකා බලනු ඇත.

5.මෙම ක්‍රියාවලිය තුළ කිසිදු අවස්ථාවක යහපත් හැසිරීමක් නොමැති පුනරුත්ථාපනය නොවූ සිරකරුවන් සමාජගත නොවනු ඇත.

6.එසේම මෙම සමාලෝචන වාර්තා අධ්‍යයනය කිරීමට විද්වත් කමිටුවක් පත්කරනු ඇත.

7.එසේම සානුකම්පිත හේතු මත දඩ ගෙවාගත නොහැකි සිරකරුවන් නිදහස් කිරීමටත් ඇප ලබාදී ඇප තබාගත නොහැකි සිරකරුවන් ඇප කොන්දේසි ලිහිල් කිරීමට අදාළ අධිකරණවලට කරුණු දැක්වීමටත් කටයුතු කරනු ඇත.

8.විශේෂයෙන් මත්ද්‍රව්‍යවලට ඇබ්බැහි වී සු`ඵ වශයේ මත්ද්‍රව්‍ය සමග අත්අඩංගුවට ගෙන ඇති සැකකරුවන් සඳහා ඇප ලබාදීම නීතිපතිතුමා හා පොලිස්පතිතුමා සමග අවශ්‍ය පියවර ගැනීමට කටයුතු කර ඇත.

9.ඉදිරියේදී මත්ද්‍රව්‍ය භාවිතයට ඇබ්බැහිවූවන් බන්ධනාගාරගත නොකර පුනරුත්ථාපන මධ්‍යස්ථාන වෙත යොමුකිරීමට කටයුතු කිරීම.

RECENT ARTICLES - SINHALA

චිචී රොකට් යවා අදට වසර 10 ක්. දෙකම ආගිය අතක් නැහැ

හිටපු ජනාධිපති මහින්ද රාජපක්ෂ මහතාගේ බඩපිස්සා වන රෝහිත රාජපක්ෂ මහතා හෙවත් 'චිචී' මහතාගේ මූලිකත්වයෙන් මෙරට ජනතාවගේ බදු මුදල් යොදවාගෙන චන්ද්‍රිකාවක් අභ්‍යාවකාශ ගත...

මෙරට ඖෂධ හිඟයට විසඳුමක්?

0
ලබන මස අවසන් වීමට පෙර මෙරට පවතින ඖෂධ හිඟය සඳහා යම් පිළියමක් ලබා දීමට හැකියාව පවතින බව සෞඛ්‍ය අමාත්‍ය කෙහෙළිය රඹුක්වැල්ල මහතා...

සතියකින් මුදල් නොලැබුණොත් කාසල් විදිය රෝහලේ විදුලිය කපා දැමීමේ අවධානමක්

0
කාසල් වීදියේ රෝහලේ විදුලිය විසන්ධි වීමේ අවධානමක් මතුව තිබෙනවා. රුපියල් ලක්ෂ 170ක හිඟ විදුලි බිලක් තිබීම හේතුවෙන් මෙම අවධානම...

RECENT ARTICLES - ENGLISH

Rohitha’s hotel bought by another politician?

0
A hotel in the Gongala mountain range near the Sinharaja forest reservation has been bought by another well-known politician in Parliament, Ceylon...

COPE informs Fisheries Corporation to pay outstanding EPF/ETF payments

0
The Committee on Public Enterprises (COPE) has informed Fisheries Corporation to propose expeditious action on Rs.600 million outstanding EPF & ETF payments...

Dan Priyasath launched a ‘war’ against female teachers’ attire

0
A person named Dan Priyasath led a group of males to hold a protest in front of the Ceylon Teachers' Union office...