ජනාධිපති රනිල් වික්රමසිංහ මහතාට සහයෝගය දැක්වීමට ගිය පොදුජන පෙරමුණේ මන්ත්රීවරුන්ට ඕනෑම ගිනිඅවියක් ගතහැකි ආකාරයට ගිනිඅවි බලපත්ර ද දී ඇති බව පාර්ලිමේන්තු මන්ත්රී දයාසිරි ජයසේකර මහතා පවසනවා.
කොළඹදී අද (01) පැවැති මාධ්ය හමුවකදී අදහස් දක්වමින් මන්ත්රීවරයා මේ බව කියා සිටියා.
දයාසිරි ජයසේකර මහතා ප්රකාශ කළේ රුපියල් ලක්ෂ තුනේ සිට ඉහළ ගිනිඅවි මිලදීගැනීමට එම බලපත්ර නිකුත් කර ඇති බවයි.
පොදුජන පෙරමුණේ මන්ත්රීවරුන්ට බාර් පර්මිට් 1200කට වැඩි සංඛ්යාවක් ද ලබා දී ඇති බව පෙන්වා දුන් මන්ත්රීවරයා කියා සිටියේ අරගල සමයේදී හානි වූ මන්ත්රී නිවාසවලට කෝටි තුන හතර බැගින් ලබා දී ඇති බවයි.
ජනාධිපතිවරයා සමඟ අද සිටින බහුතරයක් මීට පෙර පොහොට්ටුවේ සිටියදී රනිල් වික්රමසිංහ මහතා පට්ට ගැසූ අය බවද දයාසිරි ජයසේකර මහතා පැවසුවා.
රනිල් වික්රමසිංහ මහතා මහ බැංකුව කැඩූ බවට චෝදනා කළේ ද අදාළ මන්ත්රීවරුන් විසින් බව මන්ත්රීවරයා එහිදී වැඩිදුරටත් කියා සිටියා.
