මුදල් අමාත්‍යවරයා විසින් ගුරු විදුහල්පති වැටුප් විෂමතාව විසඳීම වෙනුවෙන් 2022 අයවැය මගින් ප්‍රතිපාදන වෙන් කිරීම ගැන සතුටු වන නමුත් එයින් පමණක් සිය ගැටළුව නොවිසඳෙන බව ලංකා ගුරු සංගමයේ ලේකම් ජෝශප් ස්ටාලින් මහතා පවසනවා.
ඒ, ඊයේ (13) දින මාධ්‍ අමතමින්.
ප්‍රතිපාදන මුදල් වී අතට ලැබීමට නම් ඊට අදාළ චක්‍රලේඛය අධ්‍යාපන බලධාරීන් විසින් නිකුත් කළ යුතුව ඇති බවයි ඔහු පෙන්වා දෙන්නේ.
මෙවර අයවැයේදී විශේෂ අවධානයක් යොමු වූ ක්ෂේත්‍රයක් ලෙස අධ්‍යාපන ක්ෂේත්‍රය කැපී පෙනුනද ගුරු විදුහල්පති වැටුප් ගැටලුව හැර සෙසු අංශ ගැන අවධානය යොමුකර නැති බවත් ගුරු විදුහල්පති වැටුප් විෂමතාව විසඳීමට දී තිබුණු තැන මෙන් දරුවන් ගැනද සිතිය යුතුව තිබුණු බවත් ස්ටාලින් මහතා පවසනවා.
මේ අතර, ප්‍රකාශ කළ පරිදි මුදල් අමාත්‍යවරයා විසින් ගුරු විදුහල්පති වැටුප් ගැටලුව විසඳීම නිසා ගෙන තිබෙන වෘත්තීය සමිති ක්‍රියාමාර්ග නතර කරන්නේද යන්න පිළිබඳ අද පැවැත්වෙන නියෝජිත සමුළුවේදී තීරණයක් ගැනීමට නියමිත බවයි වාර්තා වන්නේ.
