ඇමරිකාව, චීනය, ඉන්දියාව, රුසියාව, එක්සත් රාජධානිය, ජර්මනිය හා යුරෝපා සංගමය ඇතුළු රටවල් 7 ක තානාපතිවරුන් සහ මහකොමසාරිස්වරුන් නව මුදල් අමාත්‍ය බැසිල් රාජපක්ෂ මහතා හමුවී ද්විපාර්ශවීය සාකච්ඡා පවත්වා තිබෙනවා.
ශ්‍රී ලංකාවට බලපාන විවිධ කරුණු රැසක් මෙහිදී සාකච්ඡාවට ලක්වූ බව බැසිල් රාජපක්ෂ මහතාගේ මාධ්‍ය අංශය නිවේදනය කරනවා.
වසංගතය පාලනය කිරීම සඳහා සහාය දීම මෙන්ම ශ්‍රී ලංකාවේ ආයෝජන අවස්ථා ප්‍රයෝජනයට ගැනීමට ද තමන් සූදානම් බව තානාපතිවරු මෙහි දී පවසා තිබෙනවා.
නොබැඳි විදේශ ප්‍රතිපත්තිය ඉදිරියට ගෙනයමින් ලෝකයේ සියලු රටවල් සමඟ ආර්ථික ඇතුළු සියළු ක්ෂේත්‍රවල සහයෝගයෙන් කටයුතු කිරීම තමාගේ මෙන්ම ජනාධිපති ගෝඨාභය රාජපක්ෂ මහතාගේත්, අගමැති මහින්ද රාජපක්ෂ මහතාගේත් අරමුණ බව බැසිල් රාජපක්ෂ මහතා මෙහි දී අවධාරණය කර ඇති බවයි පැවසෙන්නේ.
