ඉන්දුනීසියාවේ ජාවා නගරයට නැඟෙනහිර දෙසින් පිහිටි Rancaekek දිස්ත්‍රික්කයේදී මගී දුම්රිය දෙකක් එකිනෙක ගැටීමෙන් අනතුරක් සිදුව තිබෙනවා.
මෙම අනතුරින් කාර්ය මණ්ඩල සාමාජිකයන් ඇතුළු තිදෙනෙක් ජීවිතක්ෂයට පත්ව තිබෙන අතර තුවාල ලැබූ මගීන් ගණන 28ක් බව විදෙස් මාධ්‍ය වාර්තා කරනවා
විදෙස් මාධ්‍ය සඳහන් කළේ අනතුරින් දුම්රිය මැදිරි කැඩී ගොස් ඇති අතර ඒවායින් සමහරක් රේල් පීලිවලින් ඉවතට පැන යාබද කුඹුරකට වැටී ඇති බවත් එම මැදිරි තුළ සිරවු පිරිස් මුදාගැනීමට මෙහෙයුම් ක්‍රියාත්මක කර තිබෙනවා.
මෙම අනතුර සිදුවන විට දුම්රියේ මගීන් 478 දෙනෙකු සිට තිබෙන බව විදෙස් මාධ්‍ය පවසනවා.
අනතුරට හේතුව පැහැදිලි නොමැති බවත් ඒ සම්බන්ධයෙන් රජය ප්‍රවාහන ආරක්ෂණ නිලධාරීන් විමර්ශනය කරන බව සදහන්.
