යුද සමයේදී හා කොවිඩ් වසංගත සමයේදී ත්‍රිවිධ හමුදාව සහ පොලිසිය වෙත ලබාදුන් විශිෂ්ඨ සහයෝගය මේ අභියෝගාත්මක අවස්ථාවේදී ද ලබාදෙන ලෙස ලක්වාසී ජනතාවගෙන් ඉතාමත්ම කාරුණිකව ඉල්ලා සිටින බව ආරක්ෂ්ක මාණ්ඩලික ප්‍රධානි හා යුද හමුදාධිපති ජෙනරාල් ශවේන්ද්‍ර සිල්වා පවසනවා.
අත්‍යාවශ්‍ය ප්‍රවාහන කටයුතු බාධාවකින් තොරව සිදු කිරීමට අවශ්‍ය සහය ලබාදෙන ලෙසට ජනතාවගෙන් ඉල්ලා සිටින බවයි මාධ්‍ය වෙත විශේෂ නිවේදනයක් නිකුත් කරමින් ඔහු පවසන්නේ
ජනතාව ඉදිරියේ ඇති ආර්ථීක අභියෝගයන් හමුවේ විවිධ ප්‍රදේශවල ජනතාව ඉතාමත්ම සාමකාමී ලෙස පවත්වන උද්ඝෝෂණ සහ විරෝධතා අතරට පැමිණි ඉතාමත් සුළු පිරිසක් විසින් මාර්ගවල ගමන් කරන ජනතාව අපහසුතාවයට පතවන ආකාරයෙන් කටයුතු කරමින් සිටින බව පසුගිය දින කිහිපයේදී නිරීක්ෂණය වු බව ශවේන්ද්‍ර සිල්වා පවසන්නේ.
