එක්සත් ජාතීන්ගේ පුහුණු හා පර්යේෂණ ආයතනය සහ විදේශ කටයුතු, විදේශ රැකියා සහ සංචාරක අමාත්යාංශය අතර අවබෝධතා ගිවිසුමක් අත්සන් කිරීමට කැබිනට් අනුමැතිය ලැබී තිබෙනවා.
පාර්ශ්වයන්ට ක්රියාකාරකම් වර්ධනය කර ක්රියාත්මක කළ හැකි සහයෝගිතා වැඩ රාමුවක් සැපයීමටත්, පවතින සම්පත් ප්රයෝජනයට ගනිමින් අන්යෝන්ය ප්රතිලාභ සඳහා පහසුකම් සැලසීමටත් හැකි වන පරිදි එක්සත් ජාතීන්ගේ පුහුණු හා පර්යේෂණ ආයතනය (UNITAR) සහ විදේශ කටයුතු, විදේශ රැකියා සහ සංචාරක අමාත්යාංශය අතර වසර 03 ක කාලයක් සඳහා අවබෝධතා ගිවිසුමක් අත්සන් තැබීමට යෝජනා වී තිබුණා.
එම අවබෝධතා ගිවිසුම යටතේ විශේෂයෙන්ම තිරසර සංවර්ධනය සඳහා වන 2030 න්යාය පත්රය ක්රියාත්මක කිරීමට අදාළව පුහුණු සහ ඉගෙනුම් සහාය, රාජ්යතාන්ත්රිකයින් පුහුණු කිරීම, ආපදා අවදානම අවම කිරීම සහ අර්බුද කළමනාකරණය හා භූ – තොරතුරු තාක්ෂණය භාවිතය පිළිබඳව පුහුණු කිරීම අපේක්ෂා කෙරේ. ඒ අනුව, දෙපාර්ශ්වය අතර යෝජිත අවබෝධතා ගිවිසුමට අත්සන් තැබීම පිණිස විදේශ කටයුතු, විදේශ රැකිය සහ සංචාරක අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
