අද (19) පස්වරුවේ පැවැත්වෙන රැස්වීමේ දී ඉන්දීය විදේශ කටයුතු අමාත්ය ආචාර්ය එස්.ජයිශංකර් හා මුදල් අමාත්ය නිර්මලා සීතාරාමන් විසින් මෙරට අර්බුදය පිළිබඳව කරුණු දැක්වීමට නියමිත බව ඉන්දීය මාධ්ය වාර්තා කරනවා.
තමිල්නාඩු දේශපාලන පක්ෂ ඇතුළු පාර්ශව විසින් සිදුකළ ඉල්ලීම් සැලකිල්ලට ගනිමින් ඉන්දීය රජය මෙම රැස්වීම කැඳවා ඇති බවයි පැවසෙන්නේ.
අසල්වැසි ශ්රී ලංකාව මුහුණ දී සිටින අර්බුදකාරී තත්ත්වය හමුවේ ඉන්දීය රජයේ මැදිහත්වීමක් සිදුවිය යුතු බවට පසුගියදා පැවති සර්ව පක්ෂික හමුවේ දී තමිල්නාඩු ඩීඑම්කේ සහ ඒ.අයි.ඒ.ඩි.එම්.කේ පක්ෂ නියෝජිතයින් සඳහන් කර තිබුණි.
අද පැවැත්වෙන මෙම සර්ව පාක්ෂික හමුවේ දී පසුගිය මස ශ්රී ලංකාවේ නිල සංචාරයක නිරත වූ ඉන්දීය විදේශ ලේකම් විනේ මොහාන් ක්වාත්රා විසින් රටේ තත්ත්වය මෙන්ම ඉන්දීය රජය විසින් මේ දක්වා සිදුකර ඇති මැදිහත්වීම පිළිබඳව වාර්තාවක් ඉදිරිපත් කිරීමට නියමිත බව ද ඉන්දීය මාධ්ය වාර්තා කරනවා.