බසයක ගමන් ගත් තරුණයෙකුට පහරදීමේ සිද්ධිය ගැන නිවේදනයක්

කොට්ටාව – ගල්කිස්ස (255) බස් මාර්ගයේ මගියෙකුට පිරිසක් විසින් පහර දීමේ සිදුවීම සම්බන්ධයෙන් ප්‍රවාහන අමාත්‍යාංශය නිවේදනයක් නිකුත් කර තිබෙනවා.

2024 නොවැම්බර් 24 දින උදෑසන කොට්ටාව – ගල්කිස්ස (255) බස් මාර්ගයේ ගමන් කළ පෞද්ගලික බස් රථයක් දිගු වේලාවක් නවත්වා ගෙන සිටීම, වලංගු ප්‍රවේශ පත්‍ර නිකුත් නොකිරීම, මඟින් අපහසුතාවයට පත් කිරීම හා තර්ජන කිරීම ඇතුළු චෝදනා රැසක් සම්බන්ධයෙන් රියදුරුගෙන් හා කොන්දොස්තරවරයාගෙන් ප්‍රශ්න කිරීමත් සමඟ බසයේ ගමන්ගත් තරුණයෙකුට පිරිසක් විසින් අමානුෂිකව පහර දී තිබුණා.

මොරටුව මුලස්ථාන පොලිස් පරීක්ෂකවරයා පවසා ඇත්තේ අදාළ සිදුවීම සම්බන්ධයෙන් සැක පිට අත්අඩංගුවට ගත් සැකකරුවන් තිදෙනෙක් එදින  සිට අද (30) දක්වා රක්ෂිත බන්ධනාගාරගත කර ඇති බවයි.

බස් රථයක ගමන් කළ තරුණයෙකුට අමානුෂික ලෙස පහර දීම සම්බන්ධයෙන් මේ වන විට නීත්‍යානුකූල පියවර ගෙන ඇති දැයි සමාජ මාධ්‍ය තුළ බහුලව ප්‍රශ්න කිරීමත් සමඟ ප්‍රවාහන අමාත්‍යාංශය මේ සම්බන්ධයෙන් නිවේදනයක් නිකුත් කිරීමට පියවර ගෙන තිබෙනවා.

මේ සම්බන්ධයෙන් ප්‍රවාහන අමාත්‍යාංශය නිකුත් කළ සම්පූර්ණ නිවේදනය පහතින්,