ඉන්ධන ලබා දීමේ නව ක්‍රමවේදය යටතේ සියලුම ත්‍රි රෝද රථ මේ මස අවසන් වීමට පෙර ලියාපදිංචි කිරීම අනිවාර්ය බව විදුලිබල හා බලශක්ති අමාත්‍ය කංචන විජේසේකර පවසනවා.
ට්විටර් පණිව්ඩයක් නිකුත් කරමින් ඔහු පවසන්නේ, ත්‍රි රෝද රථ අදාළ ප්‍රදේශයේ පොලිස් ස්ථානය වෙත ගොස් ලියාපදිංචි විය යුතු බවයි.
ඒ අනුව අගෝස්තු 1 වන දා සිට නිශ්චිත ඉන්ධන පිරවුම්හලකින් පමණක් ඉන්ධන නිකුත් කිරීමට පියවර ගන්නා බවයි අමාත්‍යවරයා පවසන්නේ.
එමෙන්ම ආදායම් බලපත්‍රයේ අංකය මත ඉන්ධන නිකුත් කිරීමේ ක්‍රමවේදයද එළඹෙන සිකුරාදා සිට ආරම්භ කරන බව ද විදුලිබල හා බලශක්ති අමාත්‍ය කංචන විජේසේකර නිකුත් කළ ට්විටර් සටහනේ දැක්වෙනවා.
