තමා ජනාධිපති අරමුදලෙන් මුදල් ලබා ගෙන ඇත්තේ නීත්යානුකූලව බවත් එවකට සිටි ජනාධිපති, කථානායක සහ විපක්ෂ නායකවරයාගේ අනුමැතියද ඊට හිමිව ඇති බවත් කුරුණෑගල දිස්ත්රික් පාර්ලිමේන්තු මන්ත්රී දයාසිරි ජයසේකර මහතා පවසනවා.
ජනාධිපති අරමුදලෙන් අතිවිශාල මුදල් ප්රමාණයක් ලබාගත් පාර්ලිමේන්තු මන්ත්රීවරුන් සම්බන්ධයෙන් පසුගිය පාර්ලිමේන්තු රැස්වීමේදී අමාත්ය නලින්ද ජයතිස්ස මහතා විසින් අනාවරණයක් සිදුකළ අතර ඒ අතර දායාසිරි ජයසේකර මහතාගේ නමද කියවුණා.
ඒ සම්බන්ධයෙන් අදහස් දක්වමින් පාර්ලිමේන්තු මන්ත්රී දයාසිරි ජයසේකර මහතා ඊයේ (20) පැවසූවේ තමා එම ලබාගත් මුදල එම අරමුදලෙන් නීත්යානුකූලව ලබාගෙන ඇති බවයි.
තමාට 2015 වසරේ හදිසියේ හටගත් හෘදයාබාධයක් වෙනුවෙන් ජයවර්ධනපුර රෝහලේ නේවාසිකව ප්රතිකාර ගත් අතරතුර එවකට ජනාධිපති මෛත්රීපාල සිරිසේන මහතා සිය සුව දුක් බැලීමට පැමිණි අවස්තාවේ සිදුකළ දැනුම්දීමකට අනුව එම රෝහල් ගාස්තුවෙන් කොටසක් ජනාධිපති අරමුදල හරහා ලබාගත් බව ජයසේකර මහතා එහිදී සඳහන් කළා.
