පොදුජන ස්වයං රැකියා නියුක්තිකයන්ගේ සම්මේලනයේ සභාපති, හිටපු නාගරික මන්ත්‍රී මහින්ද කහඳගමට ප්‍රහාරයක් එල්ල වී තිබෙනවා.
ඒ, සාමකාමී විරෝධතාකරුවන්ට පහරදී ගිණි තැබීමට කොළඹට පැමිණි අවස්ථාවේදීයි.
මහින්ද කහඳගම රාජපක්ෂ සමීපතයෙකු වන අතර මහින්ද රාජපක්ෂ ජනාධිපතිවරයාගේ පාලන කාලයේ දිවි නැගුම ව්‍යාපෘතිය යටතේ කොළඹ නගරයේ ඉදි වුණු පදික වෙළෙන්ඳන් සඳහා වූ විශේෂ ස්ථානවල ඉඩකඩ වෙන් කිරීමේ දී එහි දේශපාලන හස්තය මෙහෙයවූයේ මහින්ද කහඳගමය.
එම රජය පවතින කාලයේ මහින්ද කහඳගම තම බලපරාක්‍රමය පෙන්නුවේ තමන්ගේ සංගමයේ සාමාජිකත්වය නැති කිසිදු කෙතනකුට කොළඹ පදික වෙළෙඳාම් කළ නොහැකි බව පවසමිනි.
එසේම ආණ්ඩුව වෙනුවෙන් කොළඹ පැවති මොනම හෝ උද්ඝෝෂණයකදී විනාඩි කිහිපයක් තුළ පිටකොටුව බෝධිය ළඟට, කොටුව දුම්රිය පළ ළඟට සෙනඟ ගෙන්වූයේ ඔහුය.
ජනතා අරගලයට පහරදීමට පැමිණි පිරිසට ජනතාව දඬුවම් දෙනවිට ඔහුටද පහරදී තිබුණේ මෙලෙසය.
