T20 ලෝක කුසලාන තරගාවලියේ සුපිරි 12 දෙනාගේ වටයේ තමන් සහභාගි වූ පළමු තරගය අයර්ලන්තය කඩුලු 09කින් පරාජය කරමින් පහසු ජයක් ලබාගැනීමට ශ්රී ලංකා කණ්ඩායම සමත් වුණා.
එහිදී ලකුණු 129ක ජයග්රාහි ඉලක්කයක් හඹා ගිය ශ්රී ලංකා කණ්ඩායම එක් කඩුල්ලක් පමණක් දැවී පන්දුවාර 15ක් තුළ එම ඉලක්කය පසු කිරීම විශේෂයි.
විශිෂ්ට ඉනිමක් දියත් කළ කුසල් මෙන්ඩිස් පිට පිට දෙවන තරගයේදිත් අර්ධ ශතකයක් වාර්තා කරමින් පන්දු 43ක් තුළ ලකුණු 68ක් වාර්තා කළේ 4 පහර 5ක් සහ 6 පහර 03ක් සමගින්.
ඔහුට අනගි සහයක් ලබාදුන් ධනංජයද සිල්වා සහ චරිත් අසලංක ලකුණු 31 බැගින් ලබාගත්තා.
තරගයේ වීරයා සම්මානය හිමිවූයේ කුසල් මෙන්ඩිස් හටයි.
එම ජයග්රහණයත් සමගින් ශ්රී ලංකා කණ්ඩායම ප්රසාද ලකුණු 2ක් ලබාගනිමින් Group 01 හි දෙවන ස්ථානයට පත්වූයේ + 2.467ක NRR එකක් රදවා ගනිමින්.
ඊයේ පැවති තරගය ඕස්ට්රේලියාව පරදා ප්රසාද ලකුණු 2ක් සහ +4.450ක NRR සමගින් ජයගත් නවසීලන්තය තවදුරටත් Group 01 හි පෙරමුණේ රැදී සිටිනවා.
සුපිරි 12දෙනාගේ වටයේ ශ්රී ලංකාව සහභාගි වන මීළඟ තරගය එළඹෙන 25 වනදා ඕස්ට්රේලියාව සමග පර්ත්හිදී පැවැත්වීමට නියමිතයි.
IRE – 128-8(20 ) SL – 133-1 (15)
SL Bowling –
M.Theekshana 4 – 19 – 2 ER 4.8
W. Hasaranga 4 – 25 – 2 ER 6.2
SL Batting –
K.Mendis – 68 (43)
D.De Silva – 31 (25)
C.Asalanka – 31 (22)