හැටන් ෂැනන් දමිළ මහා ජාතික පාසලේදි අද (25) දින සිදුවූ එන්නත්කරණ වැඩසටහනට උද්‍යෝගයකින් සහභාගී වූ බව වාර්තා වේ.
අඹගමුව සෞඛ්‍ය වෛද්‍ය නිලධාරි කාර්යාලය යටතේ පාලනය වන ග්‍රාමසේවා වසම් තුනක පදිංචි අවු 20-29 අතර වයස් ඛාණ්ඩ වල පසුවන තරුණ තරුණියන්ට සයිනොෆාම් එන්නතේ පළමු මාත්‍රාව ලබාදිම අද දින සිදු වූ අතර හැටන් ප්‍රදේශයේ පවතින දැඩි අයහපත් කාලගුණ තත්ත්වය මධ්‍යයේ වුවද 20-29 වයස් ඛාණ්ඩ වල පසුවන තරුණ තරුණියන් දැඩි උනන්දුවකින් දිගු පොලිම් වල සිටින අයුරු දැකකගත හැකි විය.
අඹගමුව සෞඛ්‍ය වෛද්‍ය නිලධාරි කාර්යාලය බල ප්‍රදේශයේ පිහිටි පැන්මුර්,ෂැනන් සහ රුවන්පුර යන ග්‍රාමසේවා වසම් වල පදිංචි අවු 20-29 වයස් ඛාණ්ඩ වල පසුවන තරුණ තරුණියන් 2500 දෙනෙකුට සයිනොෆාම් එන්නතේ පළමු මාත්‍රාව ලබා දෙන අතර මීට සමගාමිව එම වයස් ඛාණ්ඩයේ පසුවන තරුණ තරුණියන් වෙනුවෙන් සයිනොෆාම් එන්නතේ පළමු මාත්‍රාව ලබාදිමේ තවත් වැඩසටහනක් වටවල සිංහල මහ විද්‍යාලයේදිද අද දින ආරම්භ කෙරිණ
