අලව්ව මහරාච්චිමුල්ල පංගොල්ල ප්‍රදේශයේ නිවෙසක සිදු වූ පිපිරිමකින් කාන්තාවක තුවාල ලබා රෝහල් ගත කර ඇතැයි අලව්ව පොලිසිය වාර්තා කරනවා.
මෙම පිපිරීම සිදුව ඇත්තේ ගල්වැඩපොළක් පවත්වාගෙන යන ව්‍යාපාරිකයකුගේ නිවෙසක බවත් පිපිරීමෙන් නිවෙසට බරපතල හානි සිදුව ඇති බවත් පොලිසිය පවසනවා.
පිපිරීමෙන් ව්‍යාපාරිකයාගේ බිරිඳ තුවාල ලබා ඇති අතර නිවෙසේ තිබූ පුපුරණ ද්‍රව්‍ය පිපිරීමට හේතු වී ඇති බවට පොලිසිය සැක කරනවා.
