රඹුක්කනදී ඊයේ (20) ඇතිවූ සිදුවීම පිළිබඳව පොලිස් මාධ්‍ය ඒකකය විසින් අපක්ෂපාතී, විනිවිදභාවයෙක් යුත් පරීක්ෂණයක් සිදුකරන බව ගෝඨාභය රාජපක්ෂ මහතාට නිවේදනය කරනවා.
සිය නිල ට්විටර් ගිණුමේ සටහනක් තබමින් ජනාධිපතිවරයා පෙන්වාදී ඇත්තේ අදාළ පරීක්ෂණ පොලිස් මාධ්‍ය ප්‍රකාශක කාර්යාලයෙන් සිදුකරන බවයි.
කෙසේවෙතත් මහජන ආරක්ෂක අමාත්‍ය ප්‍රසන්න රණතුංග මහතා අද පාර්ලිමේන්තුවේදී පවසා සිටියේ අදාළ පරීක්ෂණ පොලිස් දෙපාර්තමේන්තුවෙන්ම සිදුකරන බවයි.
විපක්ෂය ඉල්ලා සිටින්නේ නම් එම පරීක්ෂණ අපරාධ පරීක්ෂණ දෙපාර්තමේන්තුව වෙත භාරදීමට කටයුතු කරන බවද ඔහු සඳහන් කළා.
එමෙන්ම මේ සම්බන්ධයෙන් ශ්‍රී ලංකා මානව හිමිකම් කොමිසම විසින්ද කඩිනම් හා අපක්ෂපාතී පරීක්ෂණයක් සිදුකරන ලෙසට තමන් එම කොමිසමෙන් ඉල්ලා සිටි බවද රණතුංග මහතා පාර්ලිමේන්තුවට දැනුම් දුන්නා.
