ඉන්දීය ක්‍රිකට් ක්‍රීඩකයෙකු ක්‍රිකට් තරගයක් අතරතුර හට ගත් හෘදයාබාධයකින් මිය ගොස් තිබෙනවා.
මෙසේ මිය ගොස් ඇත්තේ ඉම්රාන් පටෙල් නමැති 35 හැවිරිදි වෘත්තීය ක්‍රිකට් ක්‍රීඩකයෙක්.
පසුගියදා (27) රාත්‍රියේ පූනේහි ගාර්වෙයාර් ක්‍රීඩාංගනයේ පැවති තරගයක් අතරතුර ඔහු මෙලෙස මිය ගොස් ඇති අතර ඔහු තරගයේ ආරම්භක පිතිකරු ලෙස පිටියට පිවිසී තිබුණා.
පන්දු වාර කිහිපයකින් අනතුරුව ඔහු තමාගේ වම් අතේ සහ පපුවේ වේදනාවක් හටගෙන ඇති බව විනිසුරුවන්ට දැනුම් දී තිබෙනවා.
එලෙස දැනුම් දී කෙටි වේලාවකින් ක්‍රීඩාංගණයෙන් පිටතට යමින් සිටියදී ඔහු පිටියේ ඇද වැටී තිබුණා.
අනතුරුව ඔහුව රෝහල් ගත කිරීමට පියවර ගෙන තිබුණත් වෛද්‍යවරුන් පවසා ඇත්තේ ඒ වන විටත් ඔහු මිය ගොස් ඇති බවයි.
පටෙල් යහපත් සෞඛ්‍ය තත්වයකින් සිටි බවත් ඔහුගේ වෛද්‍ය වාර්තාවල රෝගී තත්වයක් සම්බන්ධයෙන් සඳහනක් නොවූ බවත් කණ්ඩායමේ තවත් ක්‍රීඩකයෙකු මෙම හදිසි මරණය සම්බන්ධයෙන් අදහස් දක්වමින් පවසා තිබෙනවා.
