ගෝල්ෆේස් අරගල භූමියට ඉහළ අහසින් ඉතාමත් පහළින් තුවක්කු සහිත හෙලිකොප්ටර් යානාවක් තුන්වරක් පමණ ගමන් කළ බව අරගල භූමියෙන් වාර්තා වනවා.
මෙම තත්වය සියැසින් දැකගැනීමට අරගල භූමියට පැමිණෙන්නැයි අරගලකරුවන් ඉල්ලා සිටිනවා.
ආරක්ෂක අංශ විසින් විරෝධතා කරුවන්ට කඳුළුගෑස් ප්‍රහාර එල්ල කරමින් අහසට වෙඩි තබමින් සිටින අවස්‍ථාවක මෙය සිදුවීම විශේෂයක්.
මේ අතර, කලහකාරි ලෙස හැසිරෙන්නන් සහ ඔවුන් ප්‍රවාහනය කරන සියලු වාහන අත්අඩංගුවට ගන්නැයි ආරක්ෂක අංශ වෙත නියෝගයක් ලැබී තිබෙනවා.
තවද, බස්නාහිර පළාතට ඇඳිරි නීතිය ද දිවයින පුරා යළිත් හදිසි නීතිය ද ක්‍රියාත්මක කර තිබෙනවා. ඒ, අග්‍රාමාත්‍ය රනිල් වික්‍රමසිංහගේ නියෝගයක් අනුවයි.
මේ අතර, අග්‍රාමාත්‍ය රනිල් වික්‍රමසිංහ අද දින ජනාධිපති ධුරයේ දිවුරුම් දීමට සූදානම් වන බව වාර්තා වනවා.
එබැවින් ඊට විරෝධය පල කිරීමට අගනුවරට පැමිනෙන්නන් සහ ඔවුන් පැමිණෙන රථ අත්අඩංගුවට ගන්නා ලෙසට නියෝග කර තිබෙනවා.
