සභාවේ සිටින යම් මන්ත්‍රීවරයෙක් කිසියම් අපහාසාත්මක හෝ අනිසි වචන භාවිතයක් සිදු කළ විට කතානායකවරයා විසින් එම සඳහන් කිරීම පාර්ලිමේන්තුවේ හැන්සාර්ඩ් වාර්තාවෙන් ඉවත් කිරීම සඳහා අදාළ මන්ත්‍රීවරයාට රීත්‍යානුකූල ලෙස නියෝග කළ යුතු බව සභා නායක බිමල් රත්නායක මහතා අද (17) කතානායකවරයාගේ අවධානයට යොමු කරනු ලැබුවා.
මන්ත්‍රීවරයා මෙහිදී අවධාරණය කළේ ස්ථාවර නියෝග 91 (ඌ) උල්ලංඝනය වන ආකාරයෙන් පාර්ලිමේන්තු මන්ත්‍රීවරයෙකු නීතීඥ ස්වස්තිකා අරුලිංගම්ට එරෙහිව පාර්ලිමේන්තුවේදී බරපතල අපහාසාත්මක ප්‍රකාශයක් සිදු කර ඇති බවයි.
මේ සම්බන්ධයෙන්, සොයා බලා සුදුසු ස්ථාවර නියෝගයකට අනුව කටයුතු කරන් මෙන් බිමල් රත්නායක මන්ත්‍රීවරයා කතානායකවරයාගෙන් මෙහිදී ඉල්ලීමක් කර සිටියා.
