චීන මහජන බැංකුව සමඟ ශ්රී ලංකා මහ බැංකුව ද්වි පාර්ශවික මුදල් හුවමාරු ගිවිසුමකට එළඹ තිබෙනවා.
එම ගිවිසුම යටතේ ශ්රී ලංකා මහ බැංකුව උපරිම වශයෙන් චීන යුවාන් බිලියන 10 ක් හෙවත් ඇමරිකානු ඩොලර් බිලියන 1.5 ක පමණ මුදල් හුවමාරු පහසුකමකට හිමිකම් ලබන බව ශ්රී ලංකා මහ බැංකුව සඳහන් කරනවා.
දෙරටේ ආර්ථික සංවර්ධනය සඳහා ද්විපාර්ශවික වෙළෙඳාම සහ සෘජු ආයෝජන ප්රවර්ධනය කිරීමටත් දෙපාර්ශවයේම එකඟතාව මත වෙනත් අරමුණු සඳහාත් එම අරමුදල් භාවිත කිරීමට හැකිවන බවයි සදහන්වන්නේ.
ශ්රී ලංකා මහ බැංකුවේ මුදල් මණ්ඩලයේ නිර්දේශය මත, එම හුවමාරු ගිවිසුමට අමාත්ය මණ්ඩල අනුමැතිය ලැබී තිබෙනවා.
ශ්රී ලංකා මහ බැංකු අධිපති මහාචාර්ය ඩබ්ලිව්. ඩී. ලක්ෂ්මන් මහතා සහ චීන මහජන බැංකු අධිපති ආචාර්ය යී ගැන්ග් මහතා එම ගිවිසුමෙහි අත්සන් දායකයන් ලෙස සම්බන්ධ වී තිබෙනවා.
එම ගිවිසුම වසර තුනක කාල සීමාවක් සඳහා වලංගු වන බවයි ශ්රී ලංකා මහ බැංකුව නිවේදනය කරන්නේ.