මේ වන තෙක් ඇස්ට්‍රා සෙනෙකා කොවිඩ් 19 එන්නත ලබා නොගත් පාර්ලිමේන්තු මන්ත්‍රීවරුන් හට එය ලබාගැනීම සදහා එළැඹෙන සතියේ තවත් දින 3 ක් ලබාදීමට ශ්‍රී ලංකා ජාතික කොවිඩ් කාර්ය සාධක බලකාය කටයුතු සූදානම් කර ඇති බව පාර්ලිමේන්තුවේ වේත්‍රධාරී නරේන්ද්‍ර ප්‍රනාන්දු මහතා පවසනවා.
ඒ අනුව පෙවරවාරි 23,24 හා 25 යන දිනවල කොළඹ නාරාහේන්පිට පිහිටි යුද හමුදා රෝහලේදී උදෑසන 8.30 සිට මධ්‍යහ්න 12 දක්වා කාලය තුළ මන්ත්‍රීවරුන් හට මෙම එන්නත ලබාගැනීමට පහසුකම් සළසා තිබෙනවා.
එළැඹෙන සතියේ කොළඹින් බැහැරව සිටින පාර්ලිමේන්තු මන්ත්‍රීවරුන්ද පාර්ලිමේන්තු රැස්වීම්වලට සහභාගීවීම සදහා පැමිණෙන බැවින් අදාල දින කිහිපයේදී ඔවුන්ට මෙම එන්නත ලබාදීමට කටයුතු සම්පාදනය කල බවද වේත්‍රධාරීවරයා සදහන් කරනවා.
