ජනාධිපති රනිල් වික්‍රමසිංහ මහතා විසින් පාර්ලිමේන්තු මන්ත්‍රී සීතා කුමාරි අරඹේපොල මහත්මිය සෞඛ්‍ය, කාන්තා හා ළමා කටයුතු රාජ්‍ය අමාත්‍යවරිය ලෙස පත් කර තිබෙනවා.
සීතා අරඹේපොල මහත්මිය මේ වන විටත් සෞඛ්‍ය රාජ්‍ය අමාත්‍යවරිය ලෙසට කටයුතු කරමින් සිටිනවා.
කාන්තා හා ළමා කටයුතු රාජ්‍ය අමාත්‍ය ධුරයෙන් ගීතා කුමාරසිංහ මහත්මියව එම අමාත්‍ය ධූරයෙන් නෙරපීමෙන් පසුව මෙම අමාත්‍ය ධූරය හිස්ව පැවතුනා.
ඊයේ දිනයේ වහාම ක්‍රියාත්මක වනපරිදි රාජ්‍ය අමාත්‍යවරුන් 05 දෙනෙකු ඔවුන් දැරූ ධුරවලින් ඉවත් කිරීමට ජනාධිපති රනිල් වික්‍රමසිංහ මහතා පියවර ගෙන තිබුණා.
ඒ් අනුව රාජ්‍ය අමාත්‍ය ගීතා කුමාරසිංහ, රාජ්‍ය අමාත්‍ය ශෂීන්ද්‍ර රාජපක්ෂ, රාජ්‍ය අමාත්‍ය තේනුක විදානගමගේ, රාජ්‍ය අමාත්‍ය ප්‍රසන්න රණවීර සහ රාජ්‍ය අමාත්‍ය ඩී.වී. චානක යන අය මෙලෙස ඉවත් කිරීමට ජනාධිපතිවරයා කටයුතු කළා.
