සැකකටයුතු ලෙස මියගිය කාන්තාවකගේ හිස සහ එක් අතක් නොමැති මළ සිරුරක් මතුරට ප්‍රදේශයේ දී සොයාගෙන ඇති අතර, පසුව ගමන් මල්ලක තිබිය දී එම කාන්තාවගේ හිස කොටස ද පොලිසිය විසින් සොයාගෙන තිබෙනවා.
ඊයේ (16) එම ශරීර කොටස් සොයාගෙන ඇති බව පොලිසිය පවසනවා.
සිය මව නිවසෙන් පිටව ගොස් යළි නිවසට නොපැමිණි බවට ඇයගේ පුත්‍රයා විසින් පසුගිය 06 වැනිදා හඟුරන්කෙත පොලිසියට පැමිණිල්ලක් සිදු කර තිබූ අතර පුත්‍රයා ගම්වාසීන් සමග සිදු කළ සෝදිසි මෙහෙයුමක දීයි අදාළ සිරුර සොයාගෙන තිබෙන බව සඳහන්.
එම අවස්ථාව වනවිටත් එම සිරුර නරක් වී තිබී ඇති අතර එම සිරුරේ හිස කොටස සහ එක් අතක් තිබී නොමැති බවයි වාර්තා වන්නේ.
පොලිසිය වහාම ක්‍රියාත්මක වී තවදුරටත් සෝදිසි මෙහෙයුම් ක්‍රියාත්මක කර ඇති අතර එහිදී ගමන් මල්ලක තිබී හිස කොටස සහ ඒ ආසන්නයේ තිබී කාන්තාවගේ අත කොටස ද සොයාගෙන තිබෙනවා.
මෙලෙස ඝාතනයට ලක්ව ඇත්තේ රුක්වුඩ් වත්ත, හේවාහැට ප්‍රදේශයේ පදිංචි 76 හැවිරිදි කාන්තාවක්.
