මල්වතුහිරිපිරිය ප්‍රදේශයේදී සැක ත්‍රිරොද රථයක් පරීක්ෂා කළ මල්වතුහිරිපිටිය පොලිසිය නිලධාරීන් පිරිසක් එහි සිටි සැකකටයුතු පුද්ගලයකු අත්අඩංගුවට ගැනීමට යාමේදී එම පුද්ගලයා පොලිසියෙන් මිදී පළා යාමට උත්සහ කළ අවස්ථාවේ ඇති වූ සිද්ධියක් අතරතුර පොලිස් සැරයන්වරයකු අත තිබූ ගිනි අවියක් පත්තු වී ඇති බව පොලිසිය පවසනවා.
පොලිසිය සඳහන් කරන්නේ, 51 හැවිරිදි පොලිස් සැරයන්වරයෙකු මෙලෙස තුවාල ලබා ඇති බවයි.
මල්වතුහිරිපිටිය නිලධාරීන් කණ්ඩායමක් අද (10) අලුයම වාහනයක් පරීක්ෂා කරමින් සිටින අතර තුර බටේපොළ නගරය හරහා ගමන් ගත් සැකකටයුතු ත්‍රී රෝද රථයක් පරීක්ෂාවට ලක්කර තිබෙනවා.
එම ත්‍රිරෝද රථයේ රියදුරු පරීක්ෂා කිරීමේදී ඔහු පැන යාමට උත්සහ කළ අවස්ථාවේ පොලිසිය හා පොරබැදීමක් සිදුව ඇති බවත් එම අවස්ථාවේ ගිනි අවිය පත්තු වී ඇති බවත් පොලිසිය පවසනවා.
කෙසේ වූවද අදාල සැකකරු පත්තු වූ ගිනි අවියද රැගෙන ත්‍රිරෝද රථයෙන් පළා ගොස් ඇති බවයි පොලිසිය පවසන්නේ.
තුවාල ලත් සැරයන්වරයා ප්‍රතිකාර පිනිස ගම්පහ දිස්ත්‍රික් මහ රෝහලට ඇතුලත් කිරීමෙන් පසුව වැඩිදුර ප්‍රතිකාර සඳහා කොළඹ ජාතික රෝහලට යවා ඇති අතර සිද්ධිය සම්බන්ධයෙන් පරීක්ෂණ ආරම්භ කර තිබෙනවා.
