බුර්කාව තහනම පිළිබදව මේ වන විටත් සාකච්ඡාවට බදුන් වෙමින් පවතින බවට මහජන ආරක්ෂක අමාත්‍ය සරත් වීරසේකර මහතා පවසනවා.
අදාල තහනම පිළිබදව පකිස්ථාන රජය සිය විරෝධය පලකර තිබෙන නමුත් වත්මන් රජය පකිස්ථානයට අවශ්‍ය අකාරයෙන් කටයුතු නොකරන බවට ඔහු වැඩිදුරටත් අදහස් පළකලා.
එමෙන්ම බුර්කා තහනම පිළිබදව කැබිනට් මණ්ඩලය තුළ සාකච්ඡා කොට ඉන් අනතුරුව පාර්ලිමේන්තුවේද සාකච්ඡා කිරීමට තිබෙන බවයි සරත් වීරසේකර මහතා පවසන්නේ.
කෙසේ වෙතත් මීට පෙර සරත් වීරසේකර අමාත්‍යවරයා සදහන් කළේ ජාතික ආරක්ෂාවට දැඩි තර්ජනයක්ව පවතින බුර්කාව තහනම් කිරීමට අදාල පනත් කෙටුම්පතට තමන් අත්සන් කළ බවයි.
එමෙන්ම එය ඊයේ (15) කැබිනට් මණ්ඩලයට ඉදිරිපත් කරන බවද ඔහු සදහන් කළා.
කෙසේ වෙතත් ඊයේ දිනයේ කැබිනට් මණ්ඩලයේදී එවන් කිසිදු යෝජනාවක් ඉදිරිපත් නොකිරීමද විශේෂත්වයක්.
