ඇමරිකාවේ නව රාජ්ය ලේකම්වරයා වන ඇන්තනි බ්ලින්කන් සිය ධුරයේ කටයුතු ආරම්භ කරන අතරම චීනයේ ඇතැම් ක්රියාකාරකම් සම්බන්ධයෙන් දෝෂාරෝපණය කර ඇතැයි වාර්තා වේ.
විදෙස් මාධ්ය වාර්තා කරන්නේ ටිබෙටයේ සහ ෂින්ජියෑන්ග් ප්රාන්තවල සිදුවන මානව හිමිකම් උල්ලංඝනයවීම් සම්බන්ධයෙන් මෙන්ම මියන්මාරයේ හමුදා කුමන්ත්රණය හෙළා නොදැකීම සම්බන්ධයෙන්ද ඇන්තනි බිලින්කන් චීනයට දෝෂාරෝපණය කර ඇති බවයි.
චීන රජයේ ඉහළ පෙළේ විදේශ කටයුතු පිළිබද ප්රතිපත්ති සම්පාදකයෙකු වන යැන්ග් ජියේෂි සමග පැවති දුරකතන සංවාදයකදී ඇමරිකානු රාජ්ය ලේකම්වරයා මෙම අදහස් ප්රකාශ කොට ඇතැයි සදහන් වේ.
ඇමරිකාව සැම විටම ප්රජාතන්ත්රවාදී වටිනාකම් ආරක්ෂා කිරීම වෙනුවෙන් පෙනී සිටින බවත් චීනය අන්තර්ජාතික දේශපාලන ව්යහුය අවභාවිතා කරන බවටත් ඔහු මෙහිදී චෝදනා කර තිබේ
මෙි අතර විදෙස් මාධ්ය වාර්තා කරන්නේ ඉදිරියේදී චීනය සහ ඇමරිකාව අතර දේශපාලන සබදතා ට්රම්ප් පාලන සමයටත් වඩා උණුසුම් වනු ඇති බවයි.
විශේෂයෙන් ඇමරිකාව චීනයේ විදේශ පිලිවෙතට එරෙහිව දැඩි ප්රතිවිරෝධතා දැක්වීමට ඉඩ ඇති බවත් ඒ හරහා ලෝක දේශපාලනය තවදුරටත් උණුසුම් වනු ඇති බවටත් අදාළ මාධ්ය වාර්තා කොට තිබේ.