පක්ෂ විපක්ෂවල සියළු දෙනාම එක් කරගෙන යා හැකි නම් එය ජයග්රහණයක් බව ජනාධිපතිවරයාට සිහිපත් කරන බව පොදුජන පෙරමුණේ පාර්ලිමේන්තු මන්ත්රී තිස්ස කුට්ටිආරච්චි මහතා පවසනවා.
ඔහු මේ බව කියා සිටියේ ඊයේ (22) පාර්ලිමේන්තු විවාදයට එක්වෙමින්.
විපක්ෂයේ සිටින මන්ත්රීවරුන්ට ඇමතිකම් ලබා දිය යුතු අය සම්බන්ධව ද මන්ත්රීවරයා සඳහන් කළා.
මේ අනුව ජවිපෙ නායක අනුර කුමාර දිසානායක මන්ත්රීවරයාට හොරු අල්ලන ඇමතිකම ලබාදී ඔහුට පුර්ණ බලතල සහිත වසරක් වැඩ කිරීමට අවස්ථාව ලබාදෙන ලෙසයි ඒ මහතා ප්රකාශ කළේ.
ඊට අදාළ නීති ප්රතිපාදන අඩු නම් පාර්ලිමේන්තුවට රැගෙන එන ලෙස ඔහු සඳහන් කළා.
ඊට අමතරව මනා ලෙස ඉංග්රීසි කතා කරන සජිත් ප්රේමදාස විපක්ෂ නායකවරයාට විදේශ කටයුතු ඇමති ධුරය ලබා දෙන මෙන් ජනාධිපතිවරයාගෙන් මන්ත්රීවරයා ඉල්ලා සිටිනවා.
එය මදි නම් උප අගමැති ධුරය හෝ ලබා දීමට තමා ඇතුළු කණ්ඩායම සහය දෙන බවද ඔහු පවසනවා.
වැඩිදුරටත් අදහස් දක්වමින් ඔහු කියා සිටියේ උදය ගම්මන්පිල, ඩලස් අලහප්පෙරුම, විමල් වීරවංශ වැනි විපක්ෂයේ හිටපු ප්රබල ඇමතිවරුන් ද 75 වසරක සාපය ගැන ඒ ආණ්ඩුවල සිටි සෘජුව සහ වක්රව මේ පුටුවල සිටි අය දායකත්වය ලබා දුන් බවත් නමුත් 75 වසරක සාපය කියා ගෙන පසුපෙල මන්ත්රීවරුන්ගේ නිවාස ගිනි තැබූ බවත්ය.