ශ්රී ලංකා මහ බැංකුවේ නව අධිපතිවරයා ලෙස ආචාර්ය නන්දලාල් වීරසිංහ මහතා පත් කර තිබෙනවා.
අදාළ පත්වීම් ලිපිය ඊයේ (07) පස්වරුවේ ජනාධිපති ගෝඨාභය රාජපක්ෂ විසින් භාර දෙනු ලැබිණ.
මූල්ය ක්ෂේත්රයේ හසළ අත්දැකීමක් ඇති ආචාර්ය වීරසිංහ මහතා ජාත්යන්තර මූල්ය අරමුදලේ විකල්ප විධායක අධ්යක්ෂ, ශ්රී ලංකා මහ බැංකුවේ ආර්ථික පර්යේෂණ අධ්යක්ෂ, සහකාර අධිපති සහ ජ්යෙෂ්ඨ නියෝජ්ය අධිපති යන ධූර හොබවා තිබේ.
නන්දලාල් වීරසිංහ මහතා කොළඹ විශ්වවිද්යාලයේ, ආර්ථික විද්යා පශ්චාත් උපාධිය සඳහා බාහිර කථිකාචාර්යවරයෙකු සහ මැලේසියාවේ සියසන් මධ්යස්ථානයේ බාහිර පර්යේෂණ අර්ථ ශාස්ත්රඥයෙකු ලෙස ද කටයුතු කර ඇත. ඔහු ඕස්ට්රේලියානු ජාතික විශ්වවිද්යාලයේ ක්රෝෆර්ඩ් හි මහජන ප්රතිපත්ති හා ව්යවහාරික සාර්ව ආර්ථික විශ්ලේෂණ මධ්යස්ථානයේ උපදේශක මණ්ඩලයේ සාමාජිකයෙකු ද වේ.
ජනාධිපති ලේකම් ගාමිණී සෙනරත් මහතා මේ අවස්ථාවට එක්ව සිටියේය.